১৯০৫ চনতে শিৱসাগৰত প্ৰতিষ্ঠা হোৱা কৈৱৰ্ত সকলৰ অন্যতম জাতীয় অনুষ্ঠান ‘কৈৱৰ্ত সন্মিলনী, অসম’ৰ এখন কেন্দ্ৰীয় কাৰ্যনিৰ্বাহক সভা কাজিৰঙাৰ পাৰ্পল অৰ্কিডত অনুষ্ঠিত হয় । অসমৰ ১৮ খন জিলাৰ প্ৰতিনিধিৰ উপস্থিতিত সৰ্বসন্মতভাৱে কেতবোৰ গুৰুত্বপূৰ্ণ সিদ্ধান্ত গ্ৰহণ কৰা হয় সভাত ।
সভাত কৈৱৰ্ত সন্মিলনী, অসমৰ কেন্দ্ৰীয় অধিৱেশন ২০২৫ চনৰ অক্টোবৰ মাহত মৰিগাঁও জিলাত অনুষ্ঠিত কৰাৰ প্ৰস্তাৱ গৃহীত কৰা হয় আৰু নৱম মান শ্ৰেণীৰ দ্ৰুতপাঠ “বৈচিত্ৰ্যময় অসম”ত অসমৰ প্ৰাচীন জনগোষ্ঠী কৈৱৰ্ত সম্প্ৰদায়ৰ বিষয়ে সঠিকভাৱে তথ্যসমূহ উপস্হাপন নকৰাৰ বাবে সভাই ক্ষোভ প্ৰকাশ কৰে আৰু পুথিখনৰ সংশোধনী বাবে শিক্ষা বিভাগক বিষয়টো স্মাৰকপত্ৰ প্ৰদানৰ জৰিয়তে অৱগত কৰাৰ সিদ্ধান্ত গ্ৰহণ কৰে।
