Sikkim: ছিকিমৰ লোকসকলে কাঞ্চনজংঘাক দেৱতা হিচাপে পূজা কৰে। সেই শৃংগত পৰ্বতাৰোহীসকলৰ আৰোহণ কৰাটো দেৱতাক অপমান। ফলত এনে অভিযান বন্ধ কৰাৰ আবেদন জনাই এইবাৰ গৃহমন্ত্ৰী অমিত শ্বাহলৈ পত্ৰ লিখি ছিকিমৰ মুখ্যমন্ত্ৰী প্ৰেম সিং তামাং।
শেহতীয়াকৈ অৰুণাচল প্ৰদেশৰ পৰা অহা পৰ্বতাৰোহীৰ এটা দল কাঞ্চনজংঘাক জয় কৰি উভতি আহিছে।
এই ঘটনাৰ কিছু সময়ৰ পাছতে তামাঙে শ্বাহলৈ এই অনুৰোধ জনাই চিঠি লিখিছিল। পত্ৰখনত লিখা আছে, “কাঞ্চনজংঘা আৰোহণ কৰাটো কেৱল অবৈধই নহয়, ই ছিকিমৰ জনসাধাৰণৰ ধৰ্মীয় আৱেগৰ বিৰুদ্ধেও যায়।
ছিকিমৰ জনসাধাৰণৰ বাবে কাঞ্চনজংঘাৰ ধৰ্মীয় আৰু আধ্যাত্মিক গুৰুত্ব অপৰিসীম। গুৰু পদ্মসম্ভৱ নামেৰেও পৰিচিত বৌদ্ধ ধৰ্ম প্ৰচাৰক গুৰু ৰিনপোচে এই পথ অনুসৰণ কৰিছিল। তেওঁ কাঞ্চনজংঘাক ছিকিমৰ মূল দেৱতাৰ বাসস্থান বুলি চিনাক্ত কৰে।ফলত সেই বিশ্বাসৰ ভিত্তিত ছিকিম চৰকাৰে পাহাৰ আৰোহণ সম্পূৰ্ণৰূপে নিষেধাজ্ঞা আৰোপ কৰিছে।’
নেপালে যাতে ছিকিমৰ জনসাধাৰণৰ ধৰ্মীয় আৱেগক আঘাত নিদিয়ে তাৰ বাবে নেপালক এনে অভিযান বন্ধ কৰিবলৈ চৰকাৰে আহ্বান জনাবলৈ অনুৰোধ জনোৱা হৈছে।
উল্লেখ্য যে কাঞ্চনজংঘা বৌদ্ধ ধৰ্মাৱলম্বীসকলৰ বাবে এক অতি পবিত্ৰ স্থান। সেই কথা মনত ৰাখি ছিকিম চৰকাৰে ১৯৯১ চনৰ পবিত্ৰ উপাসনা স্থান (বিশেষ বিধান) আইন অনুসৰি এই পৰ্বত আৰোহণ কৰিবলৈ নিষেধাজ্ঞা আৰোপ কৰে।
২০০১ চনত এই নিষেধাজ্ঞা আৰোপ কৰাৰ পাছত ছিকিম পথেৰে কাঞ্চনজংঘালৈ কোনেও নাযায়। নেপাললৈ যোৱাৰ পথত এতিয়াও অব্যাহত আছে কাঞ্চনজংঘা আৰোহণ।এইবাৰ ছিকিমৰ মুখ্যমন্ত্ৰীয়ে গৃহমন্ত্ৰীলৈ পত্ৰ লিখি সেই পথটো বন্ধ কৰিবলৈ অনুৰোধ জনায়।