Heroin Seized In South Dhalai:
ৰাইজৰ তৎপৰতাত কৰায়ত্ত দুই কুখ্যাত ড্ৰাগছ সৰবৰাহকাৰী। ধলাই থানাৰ অন্তৰ্গত দক্ষিণ ধলাইৰ ভগাশ্বেৰখান পথৰ খাছপুৰ শিৱ মন্দিৰৰ সমীপত সন্দেহজনক অৱস্থাত স্থানীয় ৰাইজে কৰায়ত্ত কৰে দুজন মিজো যুৱকক ৷ পিছত ধলাই আৰক্ষীৰ হাতত গতাই দিয়ে ৰাইজে ৷ আটকাধীন ড্ৰাগছ সৰবৰাহকাৰী দুজনৰ পৰা বুজন পৰিমাণৰ হেৰ’ইন উদ্ধাৰ কৰা হয়।
আৰক্ষীৰ প্ৰাথমিক জেৰাত আটকাধীন সৰবৰাহকাৰী দুজনে ভগাবাজাৰৰ এজন ব্যৱসায়ীৰ পৰা এই ড্ৰাগছ সংগ্ৰহ কৰা বুলি স্বীকাৰোক্তি দিয়ে । ধলাই আৰক্ষীয়ে গ্ৰেপ্তাৰ কৰা লোককেইজনৰ বিৰুদ্ধে মাদক দ্ৰব্য নিয়ন্ত্ৰণ আইনৰ অধীনত গোচৰ ৰুজু কৰি তদন্ত আৰম্ভ কৰিছে।