Air india :আঠ দিন পূৰ্বে আহমেদাবাদত দুৰ্ঘটনাগ্ৰস্ত হৈছিল এয়াৰ ইণ্ডিয়া বয়িং ৭৮৭-৮ ড্ৰিমলাইনাৰ। চৰ্দাৰ বল্লভভাই পেটেল বিমানবন্দৰৰ পৰা লণ্ডনলৈ উৰাৰ কিছু মিনিটৰ পাছতে দুৰ্ঘটনাগ্ৰস্ত হয় এখন বিমান ।বিমানখনত থকা ২৪২ জন লোকৰ ভিতৰত ২৪১ জন লোকেই মৃত্যু সাৱটি লয়।
এই ঘটনাৰ পাছৰে পৰা এয়াৰ ইণ্ডিয়াৰ টিকট বিক্ৰী হ্ৰাস পাবলৈ আৰম্ভ কৰিছে। যোৱা ছয় দিনত টিকটৰ বিক্ৰী ৩০-৩৫ শতাংশ হ্ৰাস পোৱা বুলি প্ৰতিবেদনত দাবী কৰা হৈছে।
দুৰ্ঘটনাৰ পাছৰে পৰা বহু লোকে এয়াৰ ইণ্ডিয়াৰ সেৱাক লৈ ছ’চিয়েল মিডিয়াত ক্ষোভ প্ৰকাশ কৰি আহিছে। একাংশ লোকে টিকট বাতিল কৰিবলৈ বাধ্য হোৱাৰ আশংকাও প্ৰকাশ কৰিছে।
ব্যক্তিগত কোম্পানী ‘ব্লু ষ্টাৰ এয়াৰ ট্ৰেভেল চাৰ্ভিচেছ (ভাৰত’)ৰ মুৰব্বী মাধৱ ওঝাই মতে, নতুন বুকিংও একে ধৰণে হোৱা নাই। তেওঁ কয় যে নতুন বুকিং ৩০-৩৫ শতাংশ হ্ৰাস পাইছে।
কেৱল সেয়াই নহয়, ‘এন ডি টি ভি প্ৰফিট’ৰ এক প্ৰতিবেদন অনুসৰি বিভিন্ন ট্ৰেভেল এজেন্সীয়ে এই দুৰ্ঘটনাৰ পাছত এয়াৰ ইণ্ডিয়াৰ ২০ শতাংশতকৈ অধিক টিকট বাতিল হোৱা বুলি প্ৰকাশ কৰিছে।
অৱশ্যে ‘ৱাণ্ডাৰঅন’ নামৰ আন এখন ট্ৰেভেল এজেন্সীৰ মুৰব্বী গোবিন্দ গৌৰে দাবী কৰিছে যে বাতিলৰ হাৰ ২০ শতাংশ নহ’লেও ৫-৭ শতাংশ। এক সংবাদ মাধ্যমেৰ আগত তেওঁ কয়,”এয়াৰ ইণ্ডিয়া টিকট বাতিল কৰা হৈছে। যাত্ৰীসকলে অন্য বিমান সংস্থাৰ স’তে টিকট বুকিং কৰাৰ চেষ্টা কৰিছে।”
সংবাদ মাধ্যমৰ বাতৰি অনুসৰি যাত্ৰীসকলে এয়াৰ ইণ্ডিয়াৰ পৰা আঁতৰি যোৱাৰ মূল কাৰণ দুটা। এটা, বিমান সংস্থাটোৰ নাম এয়াৰ ইণ্ডিয়া আৰু ইয়াৰ বয়িং বিমান। এই দুটা কাৰণত মানুহে অত্যন্ত আতংকিত হৈছে।
বিভিন্ন ট্ৰেভেল এজেন্সীৰ বিষয়াসকলে সংবাদ মাধ্যমৰ আগত জনাই যে, এই দুৰ্ঘটনাৰ পাছতো এনেকুৱা হোৱা নাই যে সাধাৰণ লোকে বহিঃৰাজ্য ভ্ৰমণৰ পৰিকল্পনা বাতিল কৰিছে।
এয়াৰ ইণ্ডিয়া টিকট বাতিলৰ যি প্রবণতা দেখা গৈছে,সেয়া অন্য বিমান সংস্থাৰ ক্ষেত্ৰত একেধৰণে হোৱা নাই।
তেওঁলোকৰ মতে, আহমেদাবাদৰ দুৰ্ঘটনা নিশ্চিতভাৱে ইয়াৰ আটাইতকৈ ডাঙৰ কাৰণ। কিন্তু সেই ঘটনাৰ পাছত কেবাখনো বিমান বাতিল কৰা হয়, আৰু কাৰিকৰী দোষৰ বাবে এয়াৰ ইণ্ডিয়াৰ বিমান বিমানবন্দৰলৈ উভতি যাবলগীয়া হয় – এই সকলোবোৰে যাত্ৰীসকলৰ মনত বিপুল প্ৰভাৱ পেলাইছে।
দাবী কৰা হৈছে যে যোৱা ৪৮ ঘণ্টাত এয়াৰ ইণ্ডিয়াৰ নখন বিমান বাতিল কৰা হৈছে। ইয়াৰে অধিকাংশই বয়িং ৭৮৭-৮ ড্ৰিমলাইনাৰ।
অৱশ্যে ১৪ বছৰ পূৰ্বে প্ৰথম আকাশত উৰা মৰা আমেৰিকান কোম্পানী বয়িঙে নিৰ্মাণ কৰা এই বিমানক সুৰক্ষাৰ ক্ষেত্ৰত ‘শ্ৰেষ্ঠ’ বুলি বিবেচিত হৈছে।
উদ্বিগ্ন সূত্ৰই দাবী কৰিছে যে আহমেদাবাদৰ ঘটনাৰ পূৰ্বে এই বিমানখন কেতিয়াও ইমান ডাঙৰ দুৰ্ঘটনাত জড়িত হোৱা নাছিল।
আহমেদাবাদৰ দুৰ্ঘটনাৰ পাছত দেশৰ অসামৰিক বিমান পৰিবহণ নিয়ন্ত্ৰক ডিজিচিএই টাটা গ্ৰুপৰ বিমান সংস্থা এয়াৰ ইণ্ডিয়াৰ মালিকানাধীন ড্ৰিমলাইনাৰ ৭৮৭-৮ আৰু ৭৮৭-৯ বিমানসমূহৰ সকলো নিৰাপত্তা পৰ্যালোচনাৰ নিৰ্দেশ দিছে।
এয়াৰ ইণ্ডিয়াই বৰ্তমান ২৬খন বয়িং ৭৮৭-৮ আৰু সাতখন ৭৮৭-৯ বিমান চলাই আছে। এয়াৰ ইণ্ডিয়াই কয়, “২৬খন বিমানৰ সুৰক্ষা পৰ্যালোচনা সম্পূৰ্ণ হৈছে। বাকী থকা বিমানসমূহৰ সুৰক্ষা পৰ্যালোচনা চলি আছে।”