Revision of Land Purchase Policy:
খিলঞ্জীয়া তথা স্থানীয় লোকৰ ভূমিৰ অধিকাৰ সুৰক্ষিত কৰাৰ যুক্তিৰে বৰপেটা চহৰ, বটদ্ৰৱা থানৰ পাঁচ কিলোমিটাৰ ব্যাসার্ধ আৰু মাজুলী জিলাত ভূমিৰ ক্রয়-বিক্রয়ক লৈ গ্ৰহণ কৰা সিদ্ধান্তত সংশোধনী আনিছে।
ADVERTISEMENT
চৰকাৰৰ ৰাজহ আৰু দুর্যোগ ব্যৱস্থাপনা বিভাগে জাৰি কৰা এই সংশোধনী অনুসৰি ভূমিৰ ক্রয়-বিক্রয় সম্পূর্ণ নিষিদ্ধ হৈ থকাৰ বিপৰীতে উত্তৰাধিকাৰৰ আধাৰত নামজাৰি কৰিব পাৰিব। তদুপৰি ক্রেতা-বিক্রেতা যদি সেই অঞ্চলৰ প্ৰকৃত বাসিন্দা হয়, তেতিয়াও নামজাৰি কৰিব পাৰিব।
পঞ্জীয়ন দলিলৰ জৰিয়তেহে নামজাৰি কৰিব পাৰিব। আনহাতে, প্রকৃত বাসিন্দা হ’বলৈ ক্রেতা-বিক্রেতা দুয়োটা পক্ষৰ পৰিয়াল সেই অঞ্চলত ন্যূনতম তিনিটা প্রজন্ম বাস কৰা হ’ব লাগিব। এটা প্ৰজন্মৰ সময়সীমা ২৫ বছৰ ধাৰ্য কৰা হৈছে। পূৰ্বৰ নিৰ্দেশনাত এই ধৰণৰ নামজাৰিতো নিষেধাজ্ঞা আৰোপ কৰা হৈছিল।
