Protest against journalist attacks :
সাংবাদিক মাধুৰ্য শইকীয়াক চিলাপথাৰত আক্ৰমণ কৰা ঘটনাৰ প্ৰতিবাদত নগাঁও প্ৰিন্ট মিডিয়া এছ’চিয়েছন আৰু ‘আজু’ৰ নগাঁও জিলা সমিতিৰ সদস্য সকলে আজি যৌথভাৱে ক’লা বেজ পৰিধান কৰি প্ৰতিবাদী কাৰ্যসূচী গ্ৰহণ কৰে।
নগাঁও শ্বহীদ ভৱনৰ সন্মুখত সাংবাদিক সকল সমবেতহৈ প্ৰতিবাদী কাৰ্যসূচী ৰূপায়ণ কৰাৰ পিছত নগাঁও জিলা আয়ুক্তৰ জৰিয়তে অসমৰ মুখ্যমন্ত্ৰীলৈ বুলি এখন স্মাৰক পত্ৰ প্ৰেৰণ কৰে।স্মাৰক পত্ৰত সাংবাদিকৰ নিৰাপত্তা সু নিশ্চিত কৰা,বিগত সময়ত সাংবাদিকক অপমান কৰা তথা সাংবাদিক আক্ৰমণৰ ঘটনাৰ উচিত তদন্তৰে দোষীক শাস্তি প্ৰদান কৰা,সাংবাদিক আৰু সাংবাদিকৰ পৰিয়ালৰ জীৱন বীমা তথা স্বাস্থ্য বীমাৰ ব্যৱস্থা কৰা দাবী উল্লেখ আছে।
প্ৰতিবাদী কাৰ্যসূচীত নগাঁও প্ৰিন্ট মিডিয়া এছ’চিয়েছনৰ কাৰ্যকৰী সভাপতি হেমেন কুমাৰ দাস, উপ-সভাপতিত্ৰয় ক্ৰমে পলাশ প্ৰতীম হাজৰিকা,হৰেশ্বৰ বৰা,অজয় মাহাতু,আজুৰ কেন্দ্ৰীয় কাৰ্যনিৰ্বাহক সদস্য ফাইজুৰ ৰহমান, নগাঁও প্ৰেছ ক্লাবৰ সম্পাদক নিলোৎপল বৰা, নগাঁও প্ৰেছ ক্লাবৰ প্ৰাক্তন সম্পাদক অজিত কুমাৰ শইকীয়া,নগাঁও প্ৰিন্ট মিডিয়া এছ’চিয়েছনৰ সম্পাদক চন্দন জ্যোতি বৰা,’আজু’ৰ নগাঁও জিলা সমিতিৰ সম্পাদক ছফিকুৰ ৰহমান,জ্যেষ্ঠ সাংবাদিক সুনীল ৰয়,ৰবীন্দ্ৰ শ্বাহ,মুৰুলী বৰুৱা,বিকাশ শৰ্মা, নগাঁও প্ৰিন্ট মিডিয়া এচচিয়েছনৰ সহকাৰী সম্পাদকদ্বয় নাজিম উদ্দিন আহমেদ আৰু ভাস্কৰজ্যোতি শইকীয়া,নগাঁও প্ৰিন্ট মিডিয়া এচচিয়েছনৰ প্ৰচাৰ সম্পাদকদ্বয় ৰাজজ্যোতি দাস আৰু সুৰজ কুমাৰ বৰা,সাংবাদিক গকুল ভাৰতী, গোপাল ৰয়,লক্ষ্যজ্যোতি বৰা, প্লাবিতা হাজৰিকা আদি উপস্থিত থাকে।