Himachal Pradesh:✒️ভাৰতৰ মানচিত্ৰৰ পৰা মচি যাব পাৰে হিমাচল প্ৰদেশ! এই আশংকা প্ৰকাশ কৰিছে উচ্চতম ন্যায়ালয়ে । উত্তৰ ভাৰতৰ ৰাজ্যখনৰ স্বাভাৱিক ভাৰসাম্য যিদৰে ক্ষতিগ্ৰস্ত হৈছে ,তাৰ প্ৰতি লক্ষ্য ৰাখি এনে আশংকা প্ৰকাশ কৰিছে উচ্চতম ন্যায়ালয়ে।
দুগৰাকী ন্যায়াধীশৰ বিচাৰপীঠে লক্ষ্য কৰে যে কেৱল ৰাজহ সংগ্ৰহৰ ওপৰত গুৰুত্ব দিয়াটোৱেই যথেষ্ট নহয়। কেন্দ্ৰ আৰু ৰাজ্য চৰকাৰে প্ৰকৃতিৰ প্ৰতি গুৰুত্ব দিব লাগে।
হিমাচল প্ৰদেশ উচ্চ ন্যায়ালয়ৰ এক নিৰ্দেশক প্ৰত্যাহ্বান জনাই উচ্চতম ন্যায়ালয়ত এখন আৱেদন দাখিল কৰা হয়।
উচ্চ ন্যায়ালয়ে কি জনালে ? দৰাচলতে চলিত বৰ্ষৰ জুন মাহত হিমাচল প্ৰদেশ চৰকাৰে এক নিৰ্দেশ জাৰি কৰিছিল। ইয়াত কোৱা হৈছে যে কিছুমান বিশেষ অঞ্চলক ‘ গ্ৰীণ ‘অঞ্চল হিচাপে ঘোষণা কৰিব লাগে।
মূলতঃ সেই অঞ্চলসমূহৰ নিৰ্মাণ উদ্যোগত আকৰ্ষণ কৰিবলৈ চৰকাৰে এই সিদ্ধান্ত গ্ৰহণ কৰিছিল।
কিন্তু চৰকাৰৰ এই নির্দেশৰ বিৰোধিতা কৰি হিমাচল প্রদেশৰ আদালতত এখন আৱেদন দাখিল কৰা হয়৷ সেই আবেদন সন্দৰ্ভত উচ্চ ন্যায়ালয়ে কোনো ব্যৱস্থা গ্ৰহণ কৰিব বিচৰা নাছিল।
উচ্চতম ন্যায়ালয়ত ন্যায়াধীশ জে বি পাৰ্দিৱালা আৰু আৰ মহাদেৱানৰ বিচাৰপীঠৰ সন্মুখত এই আবেদনৰ শুনানি আৰম্ভ হয়।
বিচাৰক দুগৰাকীয়ে পৰ্যবেক্ষণ, “কেন্দ্ৰ আৰু ৰাজ্য দুয়োখনকে সোঁৱৰাই দিব বিচাৰো যে ৰাজহ সংগ্ৰহ সকলো নহয়। প্ৰকৃতি আৰু পৰিৱেশ তন্ত্ৰৰ ক্ষতি কৰি ৰাজহ সংগ্ৰহ কৰিব নোৱাৰি।যদি সকলো যিদৰে আছে তেনেকৈয়ে চলি থাকে, তেন্তে অতি সোনকালে সেই দিনটো আহি আছে যেতিয়া ভাৰতৰ মানচিত্ৰৰ পৰা হিমাচল প্ৰদেশ মচি যাব। ভগৱানে নকৰক আমি এনেকুৱা এটা দিন চাব লগা হৈছে। হিমাচল প্ৰদেশৰ পৰিস্থিতি দিনক দিনে বেয়া হৈ গৈ আছে।হিমাচল প্ৰদেশৰ পৰিস্থিতি দিনক দিনে বেয়া হৈ আহিছে। যিদৰে প্ৰাকৃতিক ভাৰসাম্য বিঘ্নিত হৈছে, বিগত কেইবছৰমানৰ পৰা প্ৰাকৃতিক দুৰ্যোগ সংঘটিত হৈ আহিছে।”
মন কৰিবলগীয়া যে বিগত কেইবছৰমানৰ পৰা হিমাচলত ভূমিস্খলন, খৰাং, ধাৰাসাৰ বৰষুণৰ দৰে বিভিন্ন দুৰ্যোগৰ সন্মুখীন হৈছে। এমাহ পূৰ্বে তাত হোৱা ধাৰাসাৰ বৰষুণৰ ফলত বানত ১৭০ জন লোকৰ মৃত্যু হৈছিল।
উচ্চতম ন্যায়ালয়ৰ পৰ্যবেক্ষণঃ যোগাযোগ আৰু পৰ্যটনৰ গুৰুত্বৰ কথা মনত ৰাখি শেহতীয়া বিগত সময়ছোৱাত পাহাৰীয়া ৰাজ্যখনত বহু নিৰ্মাণৰ কাম কৰা হৈছে।