Narendra Modi:✒️ৰাজধানীত বৃহৎ যান-জঁটৰ সমস্যা। দিল্লী আৰু এনচিআৰ অঞ্চলত যান-জঁট হ্ৰাস কৰাৰ লগতে যাতায়তৰ সময় ৰাহিৰ বাবে বৃহৎ আন্তঃগাঁথনি প্ৰকল্প আৰম্ভ কৰে নৰেন্দ্ৰ মোদীয়ে।
দেওবাৰে উদ্বোধন হ’ল আৰ্বান এক্সটেনছন ৰোড-২ আৰু দ্বাৰকা এক্সপ্ৰেছৱে উদ্বোধন। এই প্ৰকল্প দুটাৰ মুঠ ব্যয় প্ৰায় ১১ হেজাৰ কোটি টকা।
প্ৰধানমন্ত্ৰীৰ কাৰ্যালয়ে জনাইছে যে, মোডীৰ লক্ষ্য হৈছে বিশ্বমানৰ আন্তঃগাঁথনি গঢ়ি তোলা যিয়ে জীৱন সহজ আৰু যোগাযোগ মসৃণ কৰে।
ৰোহিনীত অনুষ্ঠিত উদ্বোধনী অনুষ্ঠানত দিল্লীৰ মুখ্যমন্ত্ৰী ৰেখা গুপ্তা, হাৰিয়ানাৰ মুখ্যমন্ত্ৰী নয়াৰ সিং ছাইনী আৰু কেন্দ্ৰীয় পথ পৰিবহণ মন্ত্ৰী নীতিন গাডকাৰী উপস্থিত থাকে।
৪৪ নং ৰাষ্ট্ৰীয় ঘাইপথৰ পৰা আৰম্ভ হৈছে ৭৫ কিলোমিটাৰ দৈৰ্ঘ্যৰ ছয় লেনযুক্ত এক্সপ্ৰেছৱে আৰ্বান এক্সটেনচন ৰোড-২ । ।
৫,৫৮০ কোটি টকা ব্যয়েৰে নিৰ্মিত এই অংশই বাহাদুৰগড় আৰু শোনিপাটৰ স’তে নতুন সংযোগৰ সৃষ্টি কৰিছে। ইয়াৰ ফলত দিল্লীৰ ভিতৰৰ বিভিন্ন চ’ক পইণ্টত যানজঁট হ্ৰাস পাব।
প্ৰধানমন্ত্ৰীৰ কাৰ্যালয়ে জনাই যে, এই নতুন সংযোগে এনচিআৰ আৰু উদ্যোগিক এলেকাৰ মাজত দ্ৰুত সংযোগ বৃদ্ধি কৰিব, যাৰ ফলত মহানগৰীৰ ওপৰত চাপ হ্ৰাস হ’ব।
বিষয়াসকলে জনোৱা মতে, নতুন পথ ব্যৱস্থাৰ জৰিয়তে বিমানবন্দৰৰ পৰা দক্ষিণ-পশ্চিম আৰু উত্তৰ-পশ্চিম দিল্লীৰ বিভিন্ন অঞ্চললৈ যাতায়তৰ সময় কমেও ৪০ৰ পৰা ৬০ শতাংশ হ্ৰাস পাব। ইয়াৰ ওপৰিও দেওবাৰে উদ্বোধন হৈছে দ্বাৰকা এক্সপ্রেছয়ৰ ১০.১ কিলোমিটাৰ দৈৰ্ঘ্যৰ দিল্লীৰ অংশ।
যিটো ৫৩৬০ কোটি টকা ব্যয় সাপেক্ষে নিৰ্মাণ কৰা হৈছে। এই পথটোৱে যশোভাভান কনভেনচন চেণ্টাৰ, দিল্লী মেট্ৰ’ৰ নীলা আৰু কমলা লাইন, আগন্তুক বিজৱাসন ৰে’ল ষ্টেচন আৰু দ্বাৰকা ক্লাষ্টাৰ বাছ ডিপোৰ স’তে সংযোগ বৃদ্ধি কৰিব। এই অংশত দুটা খণ্ড আছে।
এটা ৫.৯ কিলোমিটাৰ আৰু আনটো ৪.২ কিলোমিটাৰ। ইয়াৰ ফলত দ্বাৰকা এক্সপ্ৰেছৱে আৰু আৰ্বান এক্সটেনচন ৰোড ২ৰ মাজত পোনপটীয়া সংযোগৰ সৃষ্টি হ’ব।যোৱা বছৰৰ মাৰ্চ মাহত প্ৰধানমন্ত্ৰীয়ে ১৯ কিলোমিটাৰ দৈৰ্ঘ্যৰ হাৰিয়ানা অংশ উদ্বোধন কৰে।