Birth Centenary Celebration of Former Chief Minister Golap Borbora in Guwahati: শংকৰদেৱ কলাক্ষেত্ৰত অনুস্থিত প্ৰাক্তন মুখ্যমন্ত্ৰী প্ৰয়াত গোলাপ বৰবৰাৰ জন্ম শতবাৰ্ষিকী অনুষ্ঠানত অংশগ্ৰহণ গৃহমন্ত্ৰী অমিত শ্বাহৰ

দুদিনীয়া কাৰ্যসূচীৰে অসম ভ্ৰমণলৈ অহা কেন্দ্ৰীয় গৃহমন্ত্ৰী অমিত শ্বাহে শুকুৰবাৰে মহানগৰীৰ শ্ৰীমন্তশঙ্কৰদেৱ কলাক্ষেত্ৰত ৰাজ্য চৰকাৰৰ দ্বাৰা আয়োজিত গোলাপ বৰবৰাৰ জন্ম শতবাৰ্ষিকীৰ উদ্বোধনী অনুষ্ঠানত অংশগ্ৰহণ কৰে গৃহমন্ত্ৰী অমিত শ্বাহে ৷ গাম্ভীৰ্যপূৰ্ণ অনুষ্ঠানৰ আৰম্ভণিতে গৃহমন্ত্ৰী গৰাকীয়ে প্ৰয়াত মুখ্যমন্ত্ৰী গোলাপ বৰবৰাৰ প্ৰতিচ্ছবিত মাল্যাৰ্পণ কৰে ৷

গৃহমন্ত্ৰী গৰাকীয়ে প্ৰয়াত মুখ্যমন্ত্ৰী গোলাপ বৰবৰাক শ্ৰদ্ধাৰে সোঁৱৰণ কৰি তেখেতে দেশৰ স্বাধীনতা আন্দোলনৰ এগৰাকী অক্লান্ত যোদ্ধা বুলি অভিহিত কৰি তেখেতৰ কমদিনীয়া মুখ্যমন্ত্ৰীত্বৰ কালছোৱাত ৰাজ্যৰ উন্নয়নৰ গতি তৰাম্বিত হৈছিল । অকংগ্ৰেছী চৰকাৰৰ মুৰব্বী হিচাপে ৰাজ্যৰ সকলো স্তৰৰ ৰাইজৰ অন্তৰ জয় কৰিবলৈ সক্ষম ৷এনে এজন গুণী ব্যক্তিৰ জন্ম শতবাৰ্ষিকী অনুষ্ঠানত অংশগ্ৰহণ কৰিবলৈ পাই নিজকে ধন্য মানিছো বুলি মন্তব্য কৰে গৃহমন্ত্ৰী গৰাকীয়ে ৷

সভাত মুখ্যমন্ত্ৰী ড:হিমন্ত বিশ্ব শৰ্মা,,কেন্দ্ৰীয় মন্ত্ৰী সৰ্বানন্দ সোনোৱাল, মন্ত্ৰী অতুল বৰা,কেশৱ মহন্ত,ৰনজিৎ কুমাৰ দাস,বিমল বৰা,মুখ্যসচিব ড:ৰবি কোটা ,গোলাপ বৰবৰাৰ সুপুত্ৰ জ্যেষ্ঠ অধিবক্তা অৰূপ বৰবৰুৱা উপস্থিত থাকে ৷