AJP Pressmeet in Dibrugarh:
নিৰ্বাচনৰ পূৰ্বে অসমলৈ আহি ভাওনাৰ বচন মাতি অসমৰ মানুহক আবেগিক কৰি গ’ল কিন্তু কেন্দ্ৰীয় গৃহ মন্ত্ৰী অমৃত শ্বাহে শেহতীয়াকৈ ৰাজ্য ভ্ৰমণৰ সময়ত অসম জাতীয় পৰিষদে কেটবোৰ প্ৰশ্ন উত্থাপন কৰিছিল, কিন্তু দিবলৈ সক্ষম নহ’ল। অসমত বানপানী সমস্যা, খহনীয়া, অবৈধ অনুপ্ৰবেশকাৰী, অসম চুক্তিৰ ছয় নং দফা ৰূপায়ন আদি বিষয় সমূহৰ ওপৰত কেন্দ্ৰীয় গৃহ মন্ত্ৰীৰ পৰা উত্তৰ বিচাৰিছিল যদিও কোনো উত্তৰ দিব নোৱাৰিলে কেন্দ্ৰীয় মন্ত্ৰী জনে। এই মন্তব্য অসম জাতীয় পৰিষদৰ সভাপতি লুৰিনজ্যোতি গগৈৰ ৷
শনিবাৰে বৃহত্তৰ ডিব্ৰুগড় প্ৰেছ ক্লাবত আয়োজিত এক সংবাদমেলত গগৈয়ে কয়,প্ৰতিটো নিৰ্বাচনৰ আগত কেন্দ্ৰৰ পৰা ভাওনা বচ্চন মাতিবলৈ আহে এইসকলে | গৃহ মন্ত্ৰীয়ে অসমৰ জাতি জনগোষ্ঠী লোক সকলক “ঘুচপেটিয়া” বুলি কৈ যি অপমান কৰিলে তাৰ বাবে অমৃত শ্বাহে ক্ষমা বিচাৰি লাগিব অসমৰ সেই সকল ৰাইজৰ ওচৰত।কাৰণ সেই সকলক এটা স্থানত উচ্ছেদ কৰিলে কিন্তু তেওঁ লোকক পুণৰ চৰকাৰে মাটি, সংস্থাপন, ক্ষতি পূৰণ সকলো দিছে। গতিকে যদি প্ৰকৃততে অবৈধ বিদেশী তেন্তে কেনেকৈ অসম চৰকাৰে দিলে বুলি প্ৰশ্ন উত্থাপন কৰি লুৰিণজ্যোতি গগৈয়ে ক’ত কিমান উচ্ছেদ আৰু কত কিমান ভূমি দিলে সকলো তথ্য দাখিল কৰে।
অসমৰ মুখ্য মন্ত্ৰীয়ে গৃহ মন্ত্ৰী অমৃত শ্বাহক কাষত বহুৱাই অসম দুৰ্নীতি মূক্ত বুলি কৈছে। কিন্তু এইজন মুখ্যমন্ত্ৰীৰ দিনতে সৰ্ব বৃহৎ দুৰ্নীতিৰ হৈছে অসমত। সুৰা ব্যৱসায়,মাটি কিনা, ঠিকা নিবিদা এইবোৰ সকলো মুখ্য মন্ত্ৰীৰ নিৰ্দেশত চলি আছে নিজৰ মানুহৰ মাজত।
ৰাজ্যৰ ঠিকাদাৰ সকলৰ জীৱন শেষ কৰিছে মুখ্য মন্ত্ৰীয়ে। সকলো নিবিদা কেৱল মুখ্যমন্ত্ৰীৰ সোৱে বাওয়ে থকা মানুহে কেৱল লাভ কৰে ৷ আদানী,অম্বানী, মাদানি, চৈয়দা হামিদ এইসকলক লগত লৈ মুখ্য মন্ত্ৰীয়ে এতিয়া নিজৰ মুনাফা বাবে কাম কৰিছে।
গগৈয়ে আৰু কয় যে,বৰ্তমান মুখ্যমন্ত্ৰীয়ে হেংদাং লৈ জাতি ৰক্ষা কৰা কথা কৈছে। কিন্তু হেংদাং আহোম জাতিৰ গৌৰৱ, অসমৰ গৌৰৱ গতিকে নিজৰ স্বাৰ্থৰ বাবে হেংদাং শব্দ ব্যৱহাৰ নকৰিবলৈ সকিয়নি মুখ্যমন্ত্ৰলৈ লুৰিণ গগৈৰ।
মুখ্যমন্ত্ৰীয়ে অমিত শ্বাহক কাষত বহুৱাই কৈছে অচিনাকী মানুহৰ পৰা মাটি কাঢ়ি আনিব আৰু চিনাকি মানুহক মাটি দিব। কিন্তু কাৰ্যত মুখ্য মন্ত্ৰীয়ে অসমৰ খিলঞ্জীয়াৰ পৰা মাটি কাঢ়ি লৈ আদানী, আব্ৰানী, ৰাম দেৱ বাবাক গতাই দিছে। মুখ্যমন্ত্ৰীৰ বাবে ৰাজ্যৰ খিলঞ্জীয়া এতিয়া অচিনাকী, কিন্তু আদানী, আম্বানী, ৰামদেৱ বুকুৰ কুটুম।এনেকৈ হলে অসমৰ সকলো থলুৱা অসমীয়াই এদিন হেৰুৱাব লাগিব এই চৰকাৰৰ দিনত বুলি প্ৰতিক্ৰিয়া প্ৰকাশ কৰে জাতীয় পৰিষদৰ নেতা গৰাকীয়ে।