Dr.Bhupen Hazarika’s Kuthari House:
সুধাকণ্ঠৰ জন্ম শতবৰ্ষ পালনৰ প্ৰাকক্ষণতে কলিয়াবৰবাসীৰ লগতে সমগ্ৰ অসমবাসীৰ বাবে আহিছে ভাল খবৰ৷ সুধাকণ্ঠ ড° ভূপেন হাজৰিকাৰ কলিয়াবৰৰ কুঠৰীৰ সাতবিঘা ভুমি সহ একালৰ সুসজ্জিত গৃহটো পুনৰোদ্ধাৰ কৰিছে চৰকাৰে ৷ অসমীয়াৰ আৱেগ জড়িত এই গৃহটো সংৰক্ষণৰ বাবে কলিয়াবৰত বিভিন্ন সময়ত হৈছিল তীব্ৰ প্ৰতিবাদ৷ চৰকাৰৰ প্ৰতি দীৰ্ঘদিনৰ প্ৰতিবাদ, আহ্বানৰ পাছতে অৱশেষত চৰকাৰে পুনৰ বিক্ৰী যোৱা প্ৰতিস্থানৰ পৰা ধনৰ বিনিময়ত ওভতাই ল’বলৈ বাধ্য হ’ল এই আপুৰুগীয়া সম্পদ ৷
উল্লেখ্য যে, দেৱ এণ্ড হিমচনচ্ প্ৰাইভেট লিমিটেড নামৰ প্ৰতিস্থানটোৰ স্বত্বাধিকাৰী দেৱজ্যোতি নেওগৰ পৰা দ্বাৰ কুঠৰীৰ বাগৰি মৌজাৰ সাতবিঘা মাটি ২কোটি ৫১ লাখ ৭৮ টকাৰ বিনিময়ত চৰকাৰে চমজি লয় Takr৷ ২৬ আগষ্ট তাৰিখে নগাঁও জিলা উপায়ুক্তৰ জৰিয়তে সম্পন্ন হয় এই সকলো কাম ৷ এই স্থানতে পূৰ্বৰ ঘোষণা মতেই ড° ভূপেন হাজৰিকা সাংস্কৃতিক প্ৰকল্প নিৰ্মাণৰ বিষয়টোও নগাঁও জিলা আয়ুক্তৰ কাৰ্যালয়ৰ পত্ৰখনত প্ৰকাশ পায় ৷
ইয়াৰ লগে লগে কলিয়াবৰবাসীৰ মাজত উঠিছে আনন্দৰ জোঁৱাৰ৷ যোৱা ২৬ আগষ্টত নগাঁও জিলা আয়ুক্তৰ দ্বাৰা স্বাক্ষৰিত পত্ৰত সুধাকণ্ঠৰ এই ঘৰ ভুমি চৰকাৰে নিজৰ হাতলৈ নিয়াৰ লগতে ড° ভূপেন হাজৰিকা সাংস্কৃতিক প্ৰকল্প নিৰ্মাণৰ বিষয়টোৱে কলিয়াবৰবাসীৰ লগতে অসমবাসীক উৎফুল্লিত কৰি তুলিছে৷ পূৰ্বৰ দৰে ঘোষণাতে নৰৈ এইবাৰ সঁচা অৰ্থতে ড° ভূপেন হাজৰিকা সাংস্কৃতিক প্ৰকল্পৰ কাম আৰম্ভ হোৱাৰো আশা কৰিছে কলিয়াবৰৰ জনসাধাৰণে ৷