Income tax refund:✒️সময়মতে আয়কৰ জমা দিয়াৰ পাছতো আপুনি বাৰু আয়কৰ ৰিফাণ্ড এতিয়াও পাবলৈ বাকী আছে নেকি? যদি আয়কৰ ৰিফাণ্ড ঘূৰাই পোৱা নাই তেন্তে জমা দিয়াৰ সময়ত ক’ৰবাত কিবা ভুল থাকি যোৱা নাইতোহ্র বহু ক্ষেত্ৰত দেখা যায় যে কৰদাতাসকলে আয়কৰ জমা দিয়াৰ এসপ্তাহৰ ভিতৰতেই ৰিটাৰ্ণৰ টকা ঘূৰাই পায়।
কেতিয়াবা আকৌ কোনো কোনোৰ ক্ষেত্ৰত ৰিফাণ্ড পাবলৈ বহু সময়ৰ দৰকাৰ হয়। কি কি কাৰণত ৰিফাণ্ড ঘূৰাই পাওতে পলম হ’ব পাৰে সেই বিষয়ে জানো আহকচোন..
সাধাৰণতে আয়কৰ দাতা এজনৰ আয়কৰৰ পৰিমাণ তেওঁৰ আনুমানিক বিনিয়োগৰ নথিৰ ভিত্তিত কোনো এটা বিত্তীয় বৰ্ষৰ বাবে আগতীয়াকৈ কাটি ৰখাৰ নিয়ম।
কিন্তু যদি ব্যক্তিগৰাকীয়ে বিত্তীয় বৰ্ষটোৰ শেষৰ ফালেহে দৰকাৰী কাগজ-পত্ৰবোৰ জমা দিয়ে আৰু দেখে যে একাউন্টৰ পৰা ইতিমধ্যে বেছিকৈ কৰ কাটি ৰখা হৈছে তেন্তে সেই টকা ঘূৰাই পাবলৈ ব্যক্তিজনে পূৰণ কৰিজকে আইডিআর গুপত্ৰ পৰ লাগে।
এনে কৰিলে তেওঁ অধিক পৰিমাণত কাটি ৰখা টকাখিনি ঘূৰাই পায়।
যদি আপোনাৰ আইটিআৰ জমা দিওঁতে পলম হৈছে আৰু জমা দিয়া প্ৰ-পত্ৰ পৰীক্ষা কৰি চাওঁতে আয়কৰ বিভাগৰো বিলম্ব হৈছে তেন্তে ৰিটাৰ্ণ লাভ কৰোতেও পলম হোৱাটো প্রায় নিশ্চিত।
তদুপৰি আয়কৰ কৰ্তন আৰু ৰিটাৰ্ণ জমাৰ বাবে সংলগ্ন কৰা বেংক একাউন্টটোৰ কেৱাইচি দাখিল নকৰিলে বা বেংকৰ শ্লিপখন ভুলকৈ পূৰ কৰিলেও বিফাণ্ড লাভত পলম হ’ব পাৰে।
সময়মতে ৰিফাণ্ড ঘূৰাই নাপালে কৰদাতাজনে প্রথমেই এনএছডিএল ৱেবছাইটলৈ গৈ নিজৰ ৰিফাণ্ডৰ স্টেটাছ পৰীক্ষা কৰি চাব লাগে। www.incometaxindia.gov.in বা www.tin-nsdl.comত ক্লিক কৰি খুব সহজতেই ৰিফাণ্ড সম্পর্কীয় তথ্য পাব পৰা যায়।
ইয়াৰ বাবে ৰিফাণ্ডৰ স্থিতিৰ টেবত ক্লিক কৰি নিজৰ পেন নম্বৰ তথা মূল্যায়নৰ বছৰ লিখিব লাগিব। যদি আয়কৰ বিভাগে ৰিটাৰ্ণৰ প্ৰক্ৰিয়া আৰম্ভ কৰিছে তেন্তে ৰিটাৰ্ণৰ টকা পোৱাৰ পদ্ধতি, ৰেফাৰেন্স নম্বৰ আৰু কোন তাৰিখে পাব ইত্যাদি সমস্ত তথ্য উল্লেখ কৰি এক বার্তা পঠিয়াব কৰদাতাজনলৈ। আনহাতে, এই একেই তথ্য ই-ফাইলিং পোর্টেলত গৈও পাব পৰা যায়।