World Heart Day Celebration in Guwahati: বিশ্ব হৃদয় দিৱস উপলক্ষে দিছপুৰ কলেজৰ ৰেড ৰিবন ক্লাবৰ উদ্যোগত গুৱাহাটী এপ’ল’ হাস্পতালৰ সজাগতা সভা

World Heart Day Celebration in Guwahati:

দেশৰ আগশাৰীৰ চিকিৎসালয় এপ’ল’ হাস্পতাল,গুৱাহাটীৰ উদ্যোগত মঙলবাৰে দিছপুৰ কলেজৰ সভাগৃহত দিছপুৰ কলেজৰ ৰেড ৰিবন ক্লাবৰ সহযোগত বিশ্ব হৃদয় দিৱসৰ লগত ৰজিতা খুৱাই এক সজাগতা সভা অনুষ্ঠিত হয় ৷

সভাৰ আৰম্ভণিতে আদৰণি ভাষণত দিছপুৰ মহাবিদ্যালয়ৰ অধ্যক্ষ ড:নৱজ্যোতি বৰাই সজাগতা কাৰ্যসূচীৰ তাৎপৰ্যৰ ওপৰত গুৰুত্ব আৰোপ কৰি মননশীল বক্তব্য প্ৰদান কৰে ৷ ৰেড ৰিবন ক্লাবৰ সমন্বয়ক ডাঃ হিমাংছু কলিতাই যুৱক-যুৱতীসকলৰ মাজত হৃদৰোগ স্বাস্থ্য সজাগতাৰ গুৰুত্বৰ ওপৰত আলোকপাত কৰি কাৰ্যসূচীৰ উদ্দেশ্য ব্যাখ্যা কৰে।

এপ’ল’ হাস্পতাল,গুৱাহাটীৰ বিশেষজ্ঞ চিকিৎসক ডাঃ ঋতুপৰ্ণ বৰুৱাই হৃদৰোগৰ কাৰণ আৰু সতৰ্কতা সম্পৰ্কে এক বিস্তৃত ভাষণ প্ৰদান কৰি সুস্থ হৃদযন্ত্ৰ বজাই ৰখাৰ মূল্যৱান তথ্য আগবঢ়ায়। সজাগতা সভাত মহাবিদ্যালয় খনৰ জ্যেষ্ঠ অধ্যাপক ডাঃ জ্যোতিষ গোস্বামীয়ে হৃদৰোগৰ লক্ষণসমূহৰ বিষয়ে সোধাত উপস্থিত চিকিৎসকসকলে অধ্যাপক- অধ্যাপিকা সহ ছাত্ৰ-ছাত্ৰীসকলৰ হৃদৰোগৰ প্ৰাদুৰ্ভাৱ আৰু ইয়াৰ প্ৰতিকাৰৰ ওপৰত বিস্তৃত বিৱৰণ দাঙি ধৰে ৷ অনুষ্ঠানত ডা: ঋতুপৰ্ণ বৰুৱা, ডাঃ চন্দ্ৰ কুমাৰ দাস, ডাঃ চন্দ্ৰ প্ৰকাশ ঠাকুৰকে ধৰি কে’বা গৰাকী জ্যেষ্ঠ চিকিৎসকে হৃদৰোগ সন্দৰ্ভত উপস্থিত
দৰ্শকৰ সৈতে মতবিনিময় কৰে।

এই সজাগতা সঠাত দিছপুৰ মহাবিদ্যালয়ৰ ছাত্ৰ-ছাত্ৰী আৰু অধ্যাপকসকলে সক্ৰিয়ভাৱে অংশগ্ৰহণ কৰে। এই সজাগতা কাৰ্যসূচীয়ে হৃদযন্ত্ৰৰ স্বাস্থ্যৰ প্ৰসাৰ আৰু যুৱ প্ৰাপ্তবয়স্কসকলৰ মাজত সুস্থ জীৱনশৈলীক উৎসাহিত কৰাৰ দিশত এক উল্লেখযোগ্য পদক্ষেপ হিচাপে বিবেচিত হয়। সভাত উপস্থিত থাকে এপ’ল’ হাস্পতাল,গুৱাহাটীৰ বাণিজ্য বিভাগৰ উপ- প্ৰৱন্ধক মুন শইকীয়া ৷