মানৱ শৰীৰত নতুন অংগৰ সন্ধান পালে একাংশ বিজ্ঞানীয়ে। প্ৰ’ষ্টেট কৰ্কটৰ বিষয়ত গৱেষণা কৰাৰ সময়তে হঠাতে সেই অংগৰ সন্ধান পায় নেদাৰলেণ্ডৰ এদল বিজ্ঞানীয়ে। নেদাৰলেণ্ডৰ কেন্সাৰ ইনষ্টিটিউটৰ বিজ্ঞানীসকলে মানুহৰ ডিঙিত লুকাই থকা এটা লেলারটি গ্রন্থি আৱিষ্কাৰ কৰিছে।
এই নতুন গ্রন্থিসমূহক টিউবাৰিয়াল ছেলিভাৰি গ্রন্থি বুলি কোৱা হৈছে। গরেষণাত দেখা গৈছে যে এই গ্রন্থিসমূহ নাছোফেৰিঞ্জত অৱস্থিত, যি নাকৰ পাছফালৰ অংশ আৰু ডিঙিৰ ওপৰৰ অংশক ঘেৰি থাকে। এই স্থানক মানুহৰ শৰীৰত দীর্ঘদিন ধৰি পর্যবেক্ষণ কৰি থকা হ’লেও এই লেলাবটি গ্রন্থিবোৰ কেতিয়াও চিনাক্ত হোৱা নাছিল।
প্রায় এশ ৰোগীৰ শৰীৰত পৰীক্ষা চলাই এই লেলাৱটি গ্ৰন্থৰ উপস্থিতি সম্পর্কে বিজ্ঞানীসকল নিশ্চিত হৈছে। এই আৱিষ্কাৰ কৰ্কটৰ চিকিৎসাত গুৰুত্বপূৰ্ণ হৈ উঠিব পাৰে বুলিও ধাৰণা কৰা হৈছে। বিজ্ঞানীৰ দলটোৰ মতে,কেৱল শৰীৰ বৃত্তীয় জ্ঞানৰ কাৰণে নহয়; বৰঞ্চ চিকিৎসাৰ ক্ষেত্ৰত বিশেষ গুৰুত্ব বহন কৰিব এই আৱিষ্কাৰে।
বিশেষকৈ কৰ্কটৰ ৰেডিয়েচন থেৰাপীৰ সময়ত এই গ্রন্থিবোৰ সুৰক্ষিত কৰি ৰাখিব পাৰিলে ৰোগীৰ মুখ, ডিঙিব শুষ্কতা আৰু অন্যান্য পার্শ্বপ্রতিক্রিয়া হাস কৰাটো সম্ভৱ হ’ব পাৰে।
গৱেষণাৰ প্ৰধান বিজ্ঞানীসকলে আশা প্রকাশ কৰে যে ভবিষ্যতে এই আৱিষ্কাৰে মূৰ আৰু ডিঙিৰ কৰ্কটৰ চিকিৎসাৰ পৰিকল্পনাত নতুন দিশ খুলি দিব পাৰে আৰু ৰোগীৰ জীৱনযাত্ৰাৰ মা উন্নত কৰাত সহায়ক হ’ব। আচলতে কৰ্কটৰ চিকিৎসা কৰাৰ সময়ত ৰেডিঅ’থেৰাপী ব্যৱহাৰ কৰা হয়।
সেই সময়ত ৰোগীসকলৰ যাতে কথা কোৱাত বা খাদ্য চোবোৱাত সমস্যা নহয়, তাৰ বাবে প্রধান লেলাৱটি গ্রন্থিবোৰক বচাই সেয়া প্রয়োগ কৰা হয়। যদিও ইমানদিনে হেজাৰ হেজাৰ আণুবীক্ষণিক লেলাৱটি গ্ৰন্থিৰ সম্পৰ্কে বিজ্ঞানীসকল অৱগত নাছিল বাবে সেইবোৰ ৰেডিয়েচনৰ কবলৰ পৰা ৰক্ষা নপৰিছিল।
ফলত ৰোগীৰ শৰীৰত পার্শ্বপ্রতিক্রিয়াই দেখা দিছিল। আগন্তুক দিনত এই লেলাৱটি গ্রন্থিসমূহৰ সম্পৰ্কে সচেতন হৈ থাকিলে ৰেডিয়েচনৰ সময়ত ৰোগীৰ শৰীৰত পার্শ্বপ্রতিক্রিয়া কমকৈ দেখা যাব বুলি ধাৰণা কৰা হৈছে। এই আৱিষ্কাৰে মানৱ দেহৰ গঠন আৰু কাৰ্যকাৰিতাৰ বুজাপৰাক আৰু সমৃদ্ধ কৰিছে। বিজ্ঞানীসকলে আৰু বিস্তাৰিতভাৱে এই গ্রন্থিসমূহৰ কাৰ্যকাৰিতাক লৈ গৱেষণা অব্যাহত ৰাখিছে।