AI:✒️গুগল জেমিনীৰ নেনো বেনানা এআই ট্রেন্ড দ্রুতগতিত ভাইৰেল হৈছে ছ’চিয়েল মিডিয়াত। মানুহে নিজৰ ফটো আপলোড কৰি এআইৰ দ্বাৰা সৃষ্টি আৰু সম্পাদনা কৰি হাইপাৰ-ৰিয়েলিস্টিক ছবি তৈয়াৰ কৰিছে। ইফালে, আইপিএছ বিষয়া ভি চি সজ্জনাৰে এই ধাৰাটোৰ ফলত অনলাইন জালিয়াতিৰ সৃষ্টি হ’ব পাৰে বুলি সতর্কবাণী জাৰি কৰিছে।
ভুৱা ৱেবছাইট আৰু এপসমূহে তথ্য চুৰি কৰিব পাৰে আইপিএছ বিষয়াগৰাকীয়ে নিজৰ প’ষ্টত লিখিছে, ‘ইণ্টাৰনেটৰ ট্ৰেণ্ডৰ প্ৰতি সাৱধান হওক। ‘নেনো বেনানা’ৰ দৰে ট্রেণ্ডত যোগদান কৰিবলৈ ভুবা বেবছাইট বা অকর্তৃত্বশীল এপত ফটো আৰু ব্যক্তিগত তথ্য শ্বেয়াৰ কৰাটো অত্যন্ত বিপজ্জনক হ’ব পাৰে।
মাত্র এটা ক্লিকে আপোনাৰ বেংক একাউন্ট খালী কৰিব পাৰে।’ তেওঁ কেতিয়াও ভুৱা বেবছাইট বা অজ্ঞাত এপত ফটো বা ব্যক্তিগত তথ্য আপলোড নকৰাৰ ওপৰত গুৰুত্ব আৰোপ কৰে।
ডাটা গোপনীয়তা শীর্ষ অগ্রাধিকাৰ বিষয়াগৰাকীয়ে লগতে কয় যে ছ’চিয়েল মিডিয়াত সুখৰ মুহূৰ্ত শ্বেয়াৰ কৰাটো ভুল নহয়, কিন্তু নিৰাপত্তা সদায় শীর্ষ অগ্রাধিকাৰ হ’ব লাগে। ট্রেণ্ড আহে আৰু যায়, কিন্তু এবাৰ ভুৱা চাইটলৈ ডাটা হেৰাই গ’লে ইয়াক উদ্ধাৰ কৰাটো প্রায় অসম্ভব।’
তেওঁ সতৰ্ক কৰি দিছিল, ‘অজ্ঞাত পথত ভৰি দিলে নিশ্চিতভাৱে এটা ফান্দৰ সৃষ্টি হ’ব। ফটো বা ব্যক্তিগত তথ্য আপলোড কৰাৰ আগতে সদায় দুবাৰ চিন্তা কৰক। মনত ৰাখিব, ই আপোনাৰ ডাটা, আপোনাৰ ধন আৰু আপোনাৰ দায়িত্ব।’
নেনো বেনানা এআই ইমেজ ট্রেন্ডিং গুগল জেমিনী এআইৰ ফটো এডিটিং সঁজুলি নেনো বেনানাই এই ধাৰাক ইন্ধন যোগাইছে। মানুহে ইয়াক ব্যৱহাৰ কৰি শাৰীত নিজৰ ফটো আৰু বেট্ট’ ইমেজৰ থ্রীডি মডেল তৈয়াৰ কৰিছে। মানুহে ইয়াৰ প্ৰমপ্টবোৰ ছ’চিয়েল মিডিয়াত ভাইৰেল কৰি তুলিছে, যাৰ ফলত সকলোৱে একে ধৰণৰ ছবি সৃষ্টি কৰিছে। এই ছবিবোৰ ইমানেই বাস্তবিক দেখা যায় যে সকলোৱে এটা সৃষ্টি কৰিব বিচাৰে।
গুগলৰ জেমিনি নেনো মডেলৰ ওপৰত ভিত্তি কৰি এই সঁজুলিটোৱে সাধাৰণ চেলফিক খেলনাৰ দবে থ্রীডি প’ট্রেইটলৈ ৰূপান্তৰিত কৰে বা ১৯৭০-৮০ৰ দশকৰ বলিউডৰ ৰূপৰে উপস্থাপন কৰে।
চিন্তনীয় কথাটো হ’ল যে মানুহে এই ছবিসমূহ সৃষ্টি কৰিবলৈ কেৱল গুগল জেমিনী ব্যৱহাৰ কৰাই নহয়, অনলাইনত উপলব্ধ অসংখ্য এআই এপ আৰু ৱেবছাইট ব্যৱহাৰ কৰিছে যিয়ে আপোনাৰ তথ্যৰ সুৰক্ষাৰ কোনো দায়িত্ব লোৱা নাই। লাখ লাখ লোকে এআই ব্যবহাৰ কৰি এই ছবিবোৰ সৃষ্টি কৰি আছে। ইয়াৰ ফলত এই ছবিসমূহৰ অপব্যৱহাৰৰ সম্ভাৱনা বৃদ্ধি পায়।