Nalbari:নলবাৰীত বীৰ লাচিত সেনাৰ কাৰ্যালয় লণ্ড-ভণ্ড বজৰংগ দলৰ

Nalbari:

বীৰ লাচিত সেনাৰ ধন দাবীৰ বিৰুদ্ধে মুখ্যমন্ত্ৰীৰ কঠোৰস্থিতিৰ পিছতে নলবাৰীত সংঘটিত হৈছে বিক্ষিপ্ত ঘটনা ৷ বীৰ লাচিত সেনাৰ নলবাৰী জিলা গোটৰ কাৰ্যালয় লণ্ডভণ্ড কৰে বিশ্ব হিন্দু পৰিষদ বজৰংগ দলৰ সদস্যই ৷

উল্লেখ্য যে,বীৰ লাচিত সেনাৰ এগৰাকী সদস্যই বিশ্ব হিন্দু পৰিষদ বজৰংগ দলৰ সদস্যক ভাবুকি দিয়াৰ অভিযোগ উদ্থাপিত হৈছিল ৷ আজি এই অভিযোগ সন্দৰ্ভত অৰ্ধ শতাধিক বিশ্ব হিন্দু পৰিষদ আৰু বজৰংগ দলৰ সদস্য নলবাৰীৰ লক্ষ্মীনাথ বেজবৰুৱা পথস্থিত জিলা সমিতিৰ কাৰ্যলয়ত উপস্থিত হৈ লণ্ডভণ্ড কৰে বেনাৰ পোষ্টাৰ তথা সামগ্ৰী। এই ঘটনাই তীব্ৰ প্ৰতিক্ৰিয়াৰ সৃষ্টি হয় নলবাৰীত ৷