Veer Lachit Sena :বীৰ লাচিত সেনাৰ বিৰুদ্ধে তীব্ৰতৰ আৰক্ষীৰ অভিযান

মহানগৰীৰ বৰবাৰী অপহৰণ কাণ্ডৰ স’তে পাঁচজনকৈ বীৰ লাচিত সেনাৰ সদস্য জড়িতৰ লগতে বিভিন্ন জনক ধন বিচাৰি দাবী পত্ৰ উদ্ধাৰৰ পিছতে বীৰ লাচিত সেনাৰ বিৰুদ্ধে কঠোৰস্থিতি গ্ৰহণ কৰিছে আৰক্ষীয়ে ৷

সোমবাৰে মহানগৰীত এখন সংবাদমেল সম্বোধন কৰি থকাৰ অৱস্থাতে বীৰ লাচিত সেনাৰ মুখ্য সচিব ৰন্টু পানীফুকন সহ তিনিজনক আৰক্ষীয়ে আটক কৰে আটক কৰি কালি আদালতত হাজিৰ কৰাৰ তিনিদিনৰ বাবে জিন্মাত ৷

আনহাতে এনে ঘটনাক্ৰমৰ মাজতে তিনিচুকীয়াৰ বীৰ লাচিত সেনাৰ মুখ্য সচিব বিপ্লৱ গগৈক গ্ৰেপ্তাৰ কৰে তিনিচুকীয়া আৰক্ষীয়ে ৷ একেদৰে লখিমপুৰত শিমলুগুৰী আঞ্চলিক সমিতিৰ মুখ্য সচিব বিকাশ বুঢ়াগোহাঁইক গ্ৰেপ্তাৰ কৰা হয় ৷ আটকাধীন বুঢ়াগোহাঁইক ছ’চিয়েল মেডিয়াত উচতনিমূলক পোষ্ট দিয়াৰ অভিযোগত গ্ৰেপ্তাৰ কৰে লখিমপুৰ আৰক্ষীয়ে ৷

উল্লেখ্য যে গুৱাহাটীৰ বৰবাৰী অপহৰণ কাণ্ডত পাঁচজন বীৰ লাচিত সেনাৰ সদস্য আৰক্ষীয়ে গ্ৰেপ্তাৰ কৰাৰ সময়ত তেওঁলোকৰ পৰা কামৰূপ মহানগৰ জিলা সমিতিৰ মুখ্য সচিব বিকাশ অসম স্বাক্ষৰিত পাঁচ খন ধন দাবী পত্ৰ উদ্ধাৰ হৈছিল ৷ যাৰবাবে আৰক্ষীয়ে বিকাশ অসমক বিচাৰি দিছপুৰ আৰক্ষীয়ে অভিযান অব্যাহত ৰাখিছে ৷ বিকাশ অসমে তেওঁৰ দুয়োটা ম’বাইলৰ চুইটচ অফ কৰি পলাতক অৱস্থাত আছে ৷