CID Custody :
মহানগৰীৰ বৰবাৰী অপহৰণ কাণ্ডত পাঁচজনকৈ বীৰ লাচিত সেনাৰ সদস্যক আৰক্ষীয়ে গ্ৰেপ্তাৰ কৰাৰ পিছত তেওঁলোকৰ পৰা বীৰ লাচিত সেনাৰ কামৰূপ জিলা সমিতিৰ মুখ্য সচিব আকাশ অসমৰ স্বাক্ষৰিত পাঁচ খন ধন দাবী পত্ৰ উদ্ধাৰৰ পিছতে দিছপুৰ আৰক্ষীয়ে তীব্ৰ অভিযান আৰম্ভ কৰিছিল সংগঠনটোৰ একাংশ সদস্যৰ বিৰুদ্ধে ৷ বিকাশ অসমক বিচাৰি আৰক্ষীৰ অভিযানৰ মাজতে গুৱাহাটীত সংবাদমেল পাতি থকা অৱস্থাতে সংগঠনটোৰ মুখ্য সচিব ৰন্টু পানী ফুকন সহ আন দুজন শীৰ্ষ নেতাক আৰক্ষীয়ে গ্ৰেপ্তাৰ কৰে ৷
আনহাতে আৰক্ষীৰ কঠোৰস্থিতি গ্ৰহণৰ মাজতে বীৰ লাচিত সেনাৰ কেন্দ্ৰীয় প্ৰশাসনিক সচিব শৃংখল চলিহাই শিৱসাগৰত সংবাদ মেল অনুষ্ঠিত কৰি বীৰ লাচিত সেনাৰ কামৰূপ জিলা সমিতিৰ মুখ্য সচিব বিকাশ অসমক সকলো বিষয়বাব শহ প্ৰাথমিক সদস্যৰ পৰা বহিস্কাৰ কৰে
আনহাতে এনে ঘটনাক্ৰমৰ মাজতে কে’বাদিনো আত্মগোপন কৰি থকাৰ পিছত যোৱা সপ্তাহত দিছপুৰ থানাত আত্মসমৰ্পণ কৰে বীৰ লাচিত সেনাৰ বহিস্কৃত নেতা আকাশ অসম ৷ কে’বাদিনো নিজৰ জিন্মাত দিছপুৰ আৰক্ষীয়ে লোৱাৰ পিছত শেহতীয়াকৈ ন্যায়িক জিন্মালৈ প্ৰেৰণ কৰে বিকাশ অসমক ৷
ইতিমধ্যে বীৰ লাচিত সেনাৰ বিৰুদ্ধে আৰক্ষীয়ে ৰাজ্যজুৰি অভিযান চলাই বহু সদস্যক আটক কৰে ৷ আনহাতে বীৰ লাচিত সেনাৰ ১০ নেতা-সদস্যক চিআইডিয়ে লয় নিজৰ জিন্মাত ৷ আজিৰে পৰা ৫ দিনৰ বাবে চিআইডিৰ জিম্মাত থাকিব সদস্যকেইজন ৷৷
আটকাধীন বহু বিকাশ অসম,ৰন্টু পানীফুকন সহ বীৰ লাচিত সেনাৰ নেতা-সদস্যৰ বিৰুদ্ধে এটাৰ পাছত আনটো গোচৰ ৰুজু হৈছে ৷ আনহাতে পূৰ্বে দিছপুৰ আৰক্ষীয়ে গ্ৰেপ্তাৰ কৰা সদস্যকেইজনক
শুকুৰবাৰে কেন্দ্ৰীয় কাৰাগাৰৰ পৰা নিজাববীয়া গোচৰত পুনৰ গ্ৰেপ্তাৰ কৰে চিআইডিয়ে ৷
উল্লেখ্য যে কেৱল মহানগৰীৰ দিছপুৰ থানাতেই অভিযুক্তকেইজনৰ বিৰুদ্ধে ৰজু হৈ আছে ৮৭৫/২৫ আৰু ৮৮৩/২৫ নম্বৰত দুটাকৈ গোচৰ। স্মতৰ্ৱ্য যে অভিযুক্ত বীৰ লাচিত সেনাৰ সদস্য কেইজনৰ বিৰুদ্ধে শোণিতপুৰ, ওদালগুৰি, ৰঙিয়া আৰু কামৰূপ জিলাৰ বিভিন্ন থানাত ৰজু আছে অলেখ গোচৰ ৷
