কটকটীয়া নিৰাপত্তা বেহুৰ মাজত থকা দেশৰ ৰাজধানী মহানগৰ নতুন দিল্লীৰ ঐতিহাসিক লালকিল্লাৰ ওচৰত সোমবাৰে সন্ধিয়া ৬-৫৫ মান বজাত সংঘটিত হোৱা ভয়ংকৰ বোমা বিস্ফোৰণে প্ৰাণ ল’লে অসংখ্য নিৰীহ লোকৰ। এই পৰ্যন্ত কৰুণ মৃত্যুক সাৱটি লয় ১৫ জনৰো অধিক আৰু আহত হয় অৰ্ধ শতাধিকৰো অধিক ৷ এই ঘটনাই দেশৰ ৰাজধানী চহৰ খনৰ নিৰাপত্তা দিশটোক ডাঙৰ এক প্ৰশ্নবোধকৰ সৃষ্টি হৈছে।
পুৰণি নতুন দিল্লীৰ লালকিল্লা মেট্ৰ’ ৰে’ল ষ্টেচনৰ এক নং প্ৰৱেশদ্বাৰৰ ওচৰত থকা কাৰ পাকিঙৰ হুণ্ডাই আই২০ চাৰিচকীয়া বিলাহী বাহন এখনত সংস্থাপিত আই ডি বিস্ফোৰিত হৈ কে’বা খনো বাহনত লেলিহান জুয়ে মুহূৰ্ততে এক ভয়ংকৰ পৰিস্থিতিৰ সৃষ্টি কৰে ৷ সদাব্যস্ত স্থান টুকুৰাত দৈনিক দেশী-বিদেশী পৰ্যটক উবুৰি খাই থাকে ৷ সেই স্থানত সংঘটিত ভয়ংকৰ শোকাৱহ ঘটনাটো সংঘটিত হয় ৷ কটকটীয়া নিৰাপত্তা ব্যুহ ভেদ কৰি সন্ত্ৰাসবাদীয়ে কূটাঘাতমূলক কাৰ্য সংঘটিতৰ সমগ্ৰ দৃশ্য বন্দী হয় চিচিটিভিত।
আনহাতে ঘটনাস্থলীত নিশাই তদন্তৰ বাবে উপস্থিত হোৱা নিয়াৰ দলে সেই স্থানত সংস্থাপিত কৰা চিচিটিভি ফুটেজ চাই নিশ্চিত হৈছে জম্মু- কাশ্মীৰ নিবাসী চাৰিজন চিকিৎসকে ঘটনাটো সংঘটিতৰ সন্দেহ কৰিছে ৷
ইপিনে,শেহতীয়াকৈ প্ৰাপ্ত খবৰ অনুসৰি দিল্লীৰ বিস্ফোৰণৰ ঘটনাৰে পাকিস্তান সংযোগ সন্দেহ কৰিছে দিল্লী আৰক্ষীয়ে ৷ পাকিস্তানৰ সৈতে জড়িত অস্ত্ৰ সৰবৰাহকাৰীক পাঁচটা পিষ্টল আৰু ৯টা মেগজিন সহ গ্ৰেপ্তাৰ কৰিছে নিয়াই ৷
একেদৰে গুজৰাটতো পাকিস্তানী অস্ত্রশস্ত্র সহ হায়দৰাবাদৰ এজন চিকিৎসক গ্ৰেপ্তাৰ কৰিছে গুজৰাট আৰক্ষীয়ে ৷ কুখ্যাত সন্ত্ৰাসবাদী সংগঠন ‘আইএছআইএছ’ ৰ সহযোগত ভাৰতৰ বিভিন্ন চহৰত কূটাঘাটৰ পৰিকল্পনা ৰচিছিল ধৃত চিকিৎসকজনে। আনহাতে সমগ্ৰ দিল্লীত হাই এলাৰ্ট জাৰি কৰিছে দিল্লী আৰক্ষীয়ে ৷ বিস্ফোৰণৰ পাছতে বন্ধ কৰি দিয়া হৈছে চান্দনী চ’কৰ ব্যৱসায়িক প্ৰতিষ্ঠান।মোতায়েন কৰা হৈছে দিল্লী আৰক্ষীৰ দল।
