Bihar Election:✒️বিহাৰৰ সদ্যসমাপ্ত নির্বাচনত কংগ্রেছে চূড়ান্ত বিপৰ্যয়ৰ পৰ্যালোচনা কৰিলে। কালি পুৱা দলৰ সভাপতি মল্লিকার্জুন খাগেই এই নির্বাচনী বিপৰ্যয়ৰ পৰ্যালোচনাৰ উদ্দেশ্যে এক ৰুদ্ধদ্বাৰ বৈঠকৰ আয়োজন কৰে।
বৈঠকত সৰ্বভাৰতীয় কংগ্রেছ সমিতি (এআইচিচি)ৰ সাধাৰণ সম্পাদক (সাংগঠনিক) কে চি বেণুগোপাল, কোষাধ্যক্ষ অজয় মাকেন আৰু বিহাৰৰ দায়িত্বত থকা দলৰ নেতা কৃষ্ণ বিষয়টোও আলোচিত হয় বুলি সূত্ৰই প্ৰকাশ কৰিছে।
সূত্ৰৰ মতে বৈঠকত লগতে চৰ্চিত হয় যে প্ৰচাৰৰ সময়ছোৱাত কংগ্ৰেছৰ জ্যেষ্ঠ নেতাসকলে ধাৰাবাহিকভাবে নির্বাচনী সভা-সমিতিত অংশগ্ৰহণৰ পৰা বিৰত থাকে।
উল্লেখ্য যে যোৱা আগষ্টত ৰাহুল গান্ধী আৰু আৰজেডি নেতা তেজস্বী যাদৱৰ নেতৃত্বত বিহাৰত ২০ খন জিলাক সামৰি এক পদযাত্রা উলিওৱা হয়। মুঠ ১৩০০ কিলোমিটাৰ অতিক্ৰম কৰা এই পদযাত্রাই নির্বাচনত বিৰোধীক মুঠেও সহায় নকৰিলে।
সদ্য ঘোষিত ফলাফল অনুসৰি এই ২০ জিলাৰ একমাত্ৰ আৰায়া সমষ্টিতহে কংগ্রেছে জয়লাভ কৰিবলৈ সক্ষম হয়। ৩১ টা সমষ্টি থকা জিলাসমূহত আৰজেডি আৰু বাঁওদলসমূহেও এখনো আসন লাভ নকৰিলে।
লক্ষ্যণীয়ভাৱে এই যাত্ৰাৰ পাছত বিহাৰৰ পৰা অন্তর্ধান হৈ পৰে ৰাহুল। নির্বাচনী প্ৰচাৰ চলি থকাৰ দুটা মাহত তেওঁ দক্ষিণ আমেৰিকা ভ্রমণ কৰে। গুৰুত্বপূর্ণরূপে বিবেচিত এই সময়ছোৱাত ৰাহুলৰ অনুপস্থিতিয়ে মিত্রজোটৰ প্ৰদৰ্শনত বৃহৎ নেতিবাচক প্ৰভাৱ পেলোৱাৰ অভিযোগ উত্থাপন হৈছে। উল্লেখ্য যে এইবাৰৰ বিহাৰৰ নিৰ্বাচনত মুঠ ২৪৩ আসনৰ ২০২ খনতে এনডিএই জয়লাভকৰে।
ইয়াৰ বিপৰীতে বিৰোধী জোঁটে ৩৫ খন আসনহে দখল কৰিবলৈ সক্ষম হয়। বিৰোধীৰ এই ৩৫ নৱ নির্বাচিত বিধায়কৰ ছজন হৈছে কংগ্ৰেছৰ। ইয়াৰ পূৰ্বে ২০২০ৰ নিৰ্বাচনত ৰাজ্যখনত কংগ্রেছে ১৯ টা সমষ্টিত জয়লাভ কৰিছিল। আনহাতে ২০১৫ৰ নিৰ্বাচনত দলে ২৭ টা সমষ্টি দখল কৰিছিল। গতিকে বিগত তিনিটা নিৰ্বাচনৰ ভিতৰত এইবাৰৰ নির্বাচনতে অত্যন্ত শোচনীয় ফলাফল প্রদর্শন কৰে।