Detention cells:
অসম বিধানসভাত শীৰ্ঘেই স্থাপন হ’ব ডিটেনশ্যন কোঠা। সদনৰ কামকাজ চলি থকা সময়ত নিলম্বিত হোৱা বিধায়কক ৰখা হ’ব ডিটেনশ্যন কোঠাত
উল্লেখ্য যে অসম বিধানসভাৰ পাঁচদিনীয়া শীতকালীন অধিৱেশনৰ আজি সদনত তৃতীয় দিনাৰ কামকাজ প্ৰশ্নোত্তৰ ঘণ্টাত আৰম্ভ হোৱাৰ সময়তে হুলস্থুল কৰাৰ বাবে পুনৰ নিলম্বিত হয় শিৱসাগৰৰ বিধায়ক অখিল গগৈ ৷
বিধায়ক গগৈৰ নিলম্বনৰ পাছতেই সদনত উপস্থিত থকা উদ্যোগ মন্ত্ৰী বিমল বৰাই সদন কয় যে নিলম্বিত বিধায়ক সকলক ৰখাৰ বাবে আন ৰাজ্য সমূহৰ বিধানসভাত থকা ডিটেনশ্যন কোঠা থকাৰ দৰে অসম বিধানসভাতো ডিটেনশ্যন কোঠা স্থাপনৰ পোষকতা কৰে ৷
মন্ত্ৰী গৰাকী সহ আন কে’বাজনো বিধায়কৰ মন্তব্য শুনাৰ পিছতেই বিধানসভাৰ অধ্যক্ষ বিশ্বজিৎ দৈমাৰীয়ে কয় যে নিলম্বিত বিধায়কৰ বাবে অসম বিধানসভাত অচিৰেই স্থাপন কৰা ডিটেনশ্যন কোঠা ৷ অৱশ্যে ইয়াৰ বাবে বিধিগতভাৱে প্ৰণয়ন কৰা হ’ব নিয়ম ।