কৰ্কটৰ সুনির্দিষ্ট কাৰণ কি সেয়া এই পর্যন্ত প্রমাণিত হোৱা নাই। অধিকাংশ ক্ষেত্রতে কোনো নির্দিষ্ট খাদ্য, অভ্যাস বা কামৰ প্ৰভাৱ আছে যিটো এতিয়াও প্রমাণ হোৱা নাই। কৰ্কটৰ নানা কাৰণ থাকিব পাৰে।
জিনগত আৰু পৰিৱেশৰ বাবেও কর্কট হ’ব পাৰে বুলি বিশেষজ্ঞই দাবী কৰে। বিজ্ঞানীসকলে কর্কট গৱেষণাৰ ক্ষেত্ৰত সেইবোৰেই নিষেধ বা নিয়ন্ত্রণ কৰিবলৈ কয় যিবোৰৰ পৰা প্রৱণতা বৃদ্ধি পায়।
শেহতীয়া এক গৱেষণাত প্রকাশ পাইছে যে পার্মানেন্ট হেয়াৰ ডাইৰ পৰা নাৰীৰ স্তন কৰ্কটৰ আশংকা বৃদ্ধি পায়। উক্ত গৱেষণাৰ প্ৰতিবেদনত উল্লেখ কৰা হৈছে যে পার্মানেন্ট হেয়াৰ ডাইৰ বাবে নাৰীৰ স্তন কৰ্কটৰ আশংকা প্রায় ন শতাংশ বৃদ্ধি পায়।
এই ক্ষেত্রত গৱেষকৰ দলে আফ্রিকা আৰু আমেৰিকা মহাদেশৰ নাৰীৰ উদাহৰণ দাঙি ধৰিছে। তেওঁলোকে দাবী কৰে যে নাৰীয়ে প্ৰতি পাঁচৰ পৰা আঠ সপ্তাহ বা তাতকৈ বেছি সময় ধৰি পার্মানেন্ট হেয়াৰ ডাই কৰালে স্তন কৰ্কটৰ আশংকা ৬০ শতাংশ বাড়ে।
অৱশ্যে ছেমি পার্মানেন্ট বা টেম্প’ৰেৰী হেয়াৰ ডাই কেতিয়াও ইয়াৰ মাজত নপৰে। এইবোৰৰ ব্যৱহাৰত কৰ্কটৰ প্ৰৱণতা নাবাঢ়ে।
শৰীৰৰ ৰং ক’লা হ’লে পার্মানেন্ট হেয়াৰ ডাই কৰালে ৬০ শতাংশ স্তন কৰ্কটৰ আশংকা বাঢ়ে। গাৰ ৰং বগা হ’লে এই ক্ষেত্রত আশংকা বাঢ়িব আঠ শতাংশ। ইয়াত ব্যৱহাৰ কৰা কেমিকেলৰ পৰা শৰীৰক মুক্ত কৰি ৰখাই ভাল বুলি গৱেষকে মন্তব্য কৰিছে।