First hearing of Zubeen Garg Death Case:
মঙলবাৰে জুবিন গাৰ্গৰ ৰহস্যজনক মৃত্যু গোচৰৰ প্ৰথমটো শুনানি ৷ কামৰূপ মুখ্য ন্যায়িক দণ্ডাধীশৰ আদালতত হ’বলগীয়া শুনানিত সাত অভিযুক্ত ক্ৰমে শ্যামকানু মহন্ত, সিদ্ধার্থ শৰ্মা, সন্দীপন গাৰ্গ, শেখৰজ্যোতি গোস্বামী,অমৃতপ্রভা মহন্ত ,জুবিনৰ দুই পিএছঅ পৰেশ বৈশ্য, নন্দেশ্বৰ বৰাৰ আদালতত হাজিৰ কৰাব লাগিব ৷ সাতোজন অভিযুক্ত বৰ্তমান কাৰাৰুদ্ধ হৈ আছে বাকসা আৰু হাফলং কাৰাগাৰত ৷
উল্লেখ্য যে ইয়াৰ পূৰ্বে নিৰাপত্তাজনীত কাৰণত সাতোজন অভিযুক্তক জেলৰ পৰাই ভার্চুৱেলী হাজিৰ কৰোৱা হৈছিল ৷ হয়তো অনুৰূপ ধৰণে মঙলবাৰেও ভার্চুৱেলী হাজিৰ কৰোৱা সম্ভাৱনা আছে।
উল্লেখ্য যে জুবিন গাৰ্গৰ ৰহস্যজনক মৃত্যু গোচৰৰ তদন্ত কৰি থকা চিআইডিৰ এছআইটিয়ে ১২ ডিচেম্বৰত কামৰূপ মুখ্য ন্যায়িক দণ্ডাধীশৰ আদালতত দাখিল কৰিছিল ১২হাজাৰ পৃষ্ঠাৰ অভিযোগনামা ৷