AI:✒️সম্প্ৰতি ৰাষ্ট্ৰসংঘৰ এক গুৰুত্বপূৰ্ণ সমীক্ষাত কোৱা হৈছে যে এছিয়া আৰু প্রশান্ত মহাসাগৰীয় অঞ্চলেই এতিয়া বিশ্বৰ কৃত্রিম বুদ্ধিমত্তাৰ বিৰাট পৰীক্ষাগাৰ। এই অঞ্চলতে আছে বিশ্বৰ সবাতোকৈ বৃহৎ আর্থিক আৰু ডিজেটেল বৈষম্য।
এই অঞ্চলৰ ধনী আৰু দৰিদ্ৰ দেশৰ মাজত প্রায় দুশ গুণ পার্থক্য আছে। ক’ৰবাত যদি শক্তিশালী ডিজিটেল ইক’ছিষ্টেম আৰু উন্নত আন্তঃগাঁথনি, আকৌ ক’ৰবাত ইণ্টাৰনেট সংযোগ, দক্ষতা আৰু প্রযুক্তিগত ভিত্তিৰ অভাৱ।
এই বৈষম্যই ঠিক কৰি দিব, কোনে এআই (কৃত্রিম বুদ্ধিমততা) ৰ সুফল পাব আৰু কোনে নাপাব।প্রতিবেদনত সতৰ্ক কৰি কোৱা হৈছে যে কৃত্রিম বুদ্ধিমত্তাই ঐতিহাসিক গতিৰে আগুৱাই গৈছে, কিন্তু সকলো দেশে একেটা স্থানৰ পৰা আৰম্ভ কৰিব পৰা নাই।
পৰিকল্পিত উদ্যোগ গ্রহণ নকৰিলে কৃত্রিম বুদ্ধিমত্তাই আয়, সুযোগ আৰু শাসন ব্যৱস্থাৰ ক্ষেত্ৰত বৈষম্য আৰু বৃদ্ধি কৰিব পাৰে। আনকি দাৰিদ্র্য হ্রাস কৰোৱাৰ ক্ষেত্ৰত বিগত কিছু দশকৰ অগ্রগতিও ওলোটাই দিব পাৰে।
সম্প্ৰতি এছিয়া-প্রশান্ত মহাসাগৰীয় অঞ্চলত বিশ্বৰ অর্ধেকৰো বেছি এআই ব্যৱহাৰকাৰী আছে আৰু প্রায় ৭০ শতাংশ এআই পেটেন্ট ইয়াৰ পৰাই আহিছে। প্রতিবেদন অনুসৰি,এআইয়ে এই অঞ্চলত জিডিপি বৃদ্ধিৰ হাৰ প্ৰায় দুই শতাংশ পর্যন্ত বৃদ্ধি কৰিব পাৰে আৰু গুৰুত্বপূর্ণ ক্ষেত্রসমূহত উৎপাদনশীলতা পাঁচ শতাংশ পর্যন্ত বৃদ্ধি পাব পাৰে; কিন্তু এই লাভ সকলোৰে মাজত সমানভাবে আবণ্টিত নহ’ব।
যিবোৰ দেশত ডিজিটেল সংযোগ, ডেটা আৰু প্ৰতিষ্ঠানিক সক্ষমতা সীমিত, তেওঁলোক আৰম্ভণিতেই পিছুৱাই যোৱাৰ আশংকাত পৰিছে। য’ত কিছুমান দেশ দ্রুতগতিৰে আগুৱাই যাব আৰু বহুতেই পিছ পৰি যাব।
নাৰী আৰু তৰুণসকলৰ ক্ষেত্রত এই আশংকা আৰু গভীৰ।সমীক্ষাত দেখা গৈছে যে মহিলাসকলৰ হাতত থকা চাকৰি পুৰুষৰ তুলনাত প্রায় দ্বিগুণ হাৰত কমিব। ইতিমধ্যেই এআই ক্ষেত্রত তৰুণসকলৰ কৰ্মসংস্থান কমিবলৈ আৰম্ভ কৰিছে।
বিশেষকৈ ২২ৰ পৰা ২৫ বছৰ বয়সৰ তৰুণসকলৰ ভিতৰত যিসকলৰ নিজৰ কর্মজীৱনৰ আৰম্ভণিতেই ডাঙৰ বাধা হৈ উঠিব পাৰে। দক্ষিণ এছিয়াত মহিলাসকল পুৰুষৰ তুলনাত প্রায় ৪০ শতাংশ কম স্মার্টফোনৰ গৰাকী। ফলত ডিজিটেল সুযোগৰ পৰা তেওঁলোক আৰু দূৰত আছে। গ্রামীণ আৰু আদিবাসী জনগোষ্ঠীও বিৰাট সমস্যাৰ মুখত আছে।
ইয়াৰ ফলত এলগৰিদমিক পক্ষপাত বাঢ়ে আৰু জৰুৰী সেৱাৰ পৰাও তেওঁলোক বাদ পৰাৰ আশংকা সৃষ্টি হয়।
ৰাষ্ট্ৰসংঘৰ সহকাৰী মহাসচিব আৰু ইউএনডিপিৰ এছিয়া-প্রশান্ত মহাসাগৰীয় অঞ্চলৰ প্ৰধান কান্নি উইগনাৰাজাই কয়, ‘এআই দ্রুতগতিৰে আগুৱাই গৈছে, কিন্তু বহু দেশত এতিয়াও লাইনতে থিয় দি আছে। এই অঞ্চলে দেখুৱাই দিছে, কিদৰে অতি কম সময়ৰ ভিতৰতে এআই গঢ়ি তোলা দেশসমূহৰ স’তে এআইৰ দ্বাৰা প্ৰভাৱিত দেশসমূহৰ ব্যৱধান বিশাল হৈ উঠিব পাৰে।’