Donald Trump:✒️’হয়, এটা বস্তু আছে। মোৰ নিজস্ব নীতি। মোৰ নিজৰ মন। এয়াই হৈছে একমাত্র বস্তু যিয়ে মোক ৰখাব পাৰে। আমাক আন্তর্জাতিক আইনৰ প্রয়োজন নাই।’ অলপতে মার্কিন বিশেষ বাহিনীয়ে কৰা ভেনিজুবেলা আক্রমণ সন্দর্ভত এক সাক্ষাৎকাৰত এই মন্তব্য কবে মার্কিন ৰাষ্ট্ৰপতি ড’নাল্ড ট্রাম্পে।
উল্লেখ্য যে ট্রাম্পে আন্তর্জাতিক আইন উলংঘা কৰি ভেনিজুরেলা আক্রমণ কৰে বুলি বিশ্বজুৰি চৰ্চা হৈ আছে। ইতিমধ্যে সমগ্র বিশ্বত মার্কিন বাহিনীৰ এই আক্ৰমণৰ বিৰুদ্ধে প্রতিবাদ সাব্যস্ত হৈছে। বহুতে মার্কিন বাহিনীয়ে বন্দী কৰি অহা ভেনিজুবেলাৰ ৰাষ্ট্ৰপতি নিক’লাছ মাদুৰ’ আৰু তেওঁৰ পত্নী চিলিয়া ফ্ল’ৰেছক তাৎক্ষণিকভাবে মুক্তি দিবলৈও দাবী উত্থাপন কৰিছে।
আনকি মার্কিন সংসদেও পৰৱৰ্তী সামৰিক পদক্ষেপ গ্রহণ বন্ধ কৰিবলৈ ট্রাম্পলৈ বার্তা দিছে। এনে অবস্থাতে ‘দ্য নিউ য়র্ক টাইমছ’ৰ স’তে হোৱা এক সাক্ষাতত ৰাষ্ট্ৰপতি ট্রাম্পে মন্তব্য কৰে যে মার্কিন সেনাৰ সৰ্বাধিনায়কৰূপে তেওঁৰ ক্ষমতা কেৱল নৈতিকতাৰ দ্বাৰাহে নিয়ন্ত্রিত।
আন দেশৰ বিৰুদ্ধে সেনা অভিযানৰ পদক্ষেপ গ্রহণৰ ক্ষেত্রত কোনো আন্তর্জাতিক আইন মানি নচলে বুলিও বেপৰোৱা মন্তব্য কৰে ট্রাম্পে। ভেনিজুবেলাৰ ৰাষ্ট্ৰপতি আৰু তেওঁৰ পত্নীক বন্দী কৰাৰ প্ৰাক্মুহূৰ্তত মার্কিন বাহিনীয়ে কৰা বোমাবর্ষণত কোনো লোক নিহত হোৱা নাই বুলিও ট্রাম্পে দাবী কৰি আহিছে।
আগন্তুক দিনত অধিক বেপৰোৱা নীতি গ্ৰহণৰ ইংগিত দি তেওঁ লগতে কয়, ‘আমি কোনো সাধাৰণ মানুহক আঘাত কৰিবলৈ বিচৰা নাই।’ আনহাতে আন্তর্জাতিক আইন মানি চলাৰ দায়বদ্ধতা তেওঁৰ চৰকাৰৰ আছে নে নাই বুলি সাংবাদিকে সোধা প্ৰশ্নৰ উত্তৰত ট্রাম্পে কয়, ‘আন্তর্জাতিক আইনৰ আপোনাৰ সংজ্ঞা কি? তাৰ ওপৰত উত্তৰ নিৰ্ভৰ কৰিব।’
উল্লেখ্য যে ৰাষ্ট্ৰপতি ট্রাম্পৰ ভেনিজুরেলা আক্রমণৰ বিৰুদ্ধে নিজ দল ৰিপাব্লিকান পার্টিৰে একাংশ সাংসদ থিয় দিছে। কালি মার্কিন সংসদৰ উচ্চ সদন ছিনেটত যুদ্ধ ক্ষমতা সংক্রান্তীয় প্রস্তাৱৰ সপক্ষে ৫২ জন আৰু বিপক্ষে ৪৭ জন সাংসদে ভোট দিয়ে। এনেদৰে পাঁচটা ভোটৰ ব্যৱধানত উচ্চ সদনত এই প্রস্তাব গৃহীত হয়।
এই প্রস্তাবৰ জৰিয়তে ট্রাম্পৰ যুদ্ধবাজ নীতিৰ বিৰোধিতা কৰা হৈছে। লক্ষ্যণীয়ভাবে প্রস্তাৱটোৰ সমর্থনত ৰিপাব্লিকান পার্টিবো কে’বাজনো সাংসদে ভোট দিয়ে। অর্থাৎ ট্রাম্পৰ যুদ্ধ নীতি বিৰোধিতাৰ ক্ষেত্ৰত ডেম’ক্রেট সাংসদসকলৰ স’তে ৰিপাব্লিকান পার্টিৰ এইসকল সাংসদেও স্থিতি গ্রহণ কৰে।
লক্ষ্যণীয় যে দলৰে একাংশই বিৰোধিতা কৰা সত্ত্বেও ট্রাম্পে নিজ স্থিতিত অটল থাকি মেক্সিকো, কলম্বিয়া আৰু কিউবালৈ সতর্ক বার্তা প্ৰেৰণ কৰিছে। এই তিনি দেশেও কলম্বিয়া সদৃশ পৰিস্থিতিৰ সম্মুখীন হ’ব পাৰে বুলি দেশকেইখনক সকীয়াই দিছে মার্কিন ৰাষ্ট্ৰপতিজনে। তদুপৰি কলম্বিয়াৰ ৰাষ্ট্ৰপতি গুস্তাভ’ পেট্ৰ’ৰ স’তে ফোনত উত্তপ্ত বাক্য বিনিময়ো কৰিছে ট্রাম্পে। কলম্বিয়াৰ ৰাষ্ট্ৰপতিজনে অভিযোগ উত্থাপন কৰিছে যে তেওঁক হত্যাৰ ষড়যন্ত্র ৰচনা কৰিছে ট্রাম্পে।
অৱশ্যে উক্ত সাক্ষাৎকাৰত ট্রাম্পে মেক্সিকো, কলম্বিয়া আৰু কিউবাক আক্রমণ কৰিব নেকি সেই কথা প্রকাশ নকৰিলে। তাৰ পৰিৱৰ্তে তেওঁ ডেনমার্কৰ নিয়ন্ত্রণত থকা গ্রীণলেণ্ডৰ ওপৰত পৰা তেওঁৰ দৃষ্টিৰ কথা উল্লেখ কৰে। স্পষ্টভাবে তেওঁ কয়, ‘গ্রীণলেগুক আমেৰিকা যুক্তৰাষ্ট্ৰৰ অংশ কৰা হ’বই। মালিকীস্বত্বৰ বিষয়টো খুবেই গুৰুত্বপূৰ্ণ।’
গ্রীণলেণ্ড দখলৰ উদ্দেশ্যে সামৰিক অভিযান চলাব নেকি বুলি সোধা প্রশ্নৰ উত্তৰত তেওঁ কয়, ‘মই মন কৰিছো যে সফলতাৰ বাবে মানসিক প্রস্তুতিৰো প্রয়োজন। লগতে মন কৰিছো যে মালিকীস্বত্ব আপোনাক কিছু দি আনক কিছু দিব নোৱাৰে। নাজানো যে আপুনি চুক্তিৰ কথা কৈছে নে নাই। প্রকৃততে মালিকীস্বত্ব আপুনি কেরল এখন নথিত স্বাক্ষৰ কৰিলেই নাপায়।’