Dr. Dayananda Borgohain:
দেওবাৰে কংগ্ৰেছৰ মানবেন্দ্ৰ প্ৰেক্ষাগৃহত বহু গণ্য মান্য ব্যক্তি কংগ্ৰেছত যোগদান কৰিছে । বিজেপিক বেয়া পাই কৰিছে , কংগ্ৰেছক ভাল পাই কৰিছে আমি ক’ব নাযাওঁ । কিন্তু কংগ্ৰেছৰ যোগদান কাৰ্যসূচীত হোৱা ঘটনাই আমাক শংকিত কৰিছে বুলি মন্তব্য প্ৰকাশ কৰে ,ড: দয়ানন্দ বৰগোহাঁয়ে । তেওঁ কয় , ‘ৰেজাউল কৰিম বোলা মানুহজন আমছুৰ প্ৰাক্তন সভাপতি আছিল তেওঁ কালি কলে যে, শিৱসাগৰক ধুবুৰী কৰিম , ধুবুৰীক শিৱসাগৰ কৰিম । এই কথাটো কোৱাৰ সময়ত গৰৌৱ নিজে তাত উপস্থিত আছিল , গৌৰৱ মনে মনে থাকি শেষত সম্প্ৰীতিৰ কথা কলে , কিন্তু অলপ দিন আগতে উজনি অসমত মিঞাক লৈ এটা ডাঙৰ হুলস্থুল হৈছিল ইটাভাটাত কাম কৰাক লৈ , সেইবোৰ বেলেগ কথা ।
দয়ানন্দ বৰগোহাঁয়ে কয় ,’আমি উজনিৰ মানুহ হিচাপে এটা কথাতে শংকিত এইকাৰণে আমি ৬০০ হাজাৰ বৰ্ষ স্বাধীনতা ৰাখিছিলোঁ ইছলাম ফৰ্চৰ পৰা । যি সকল ইছলাম মানুহ থাকি গ’ল যাক আমি দেশী বুলি কওঁ । সেইকসকল শিৱসাগৰ , ডিব্ৰুগড় মানুহে মিঞা মানুহক ভাল নাপায় আৰু মিঞা মানুহক ভাল পাবলৈ কোনো যুক্তি নাই । যিহেতু তেওঁলোকক আমি বেয়াকৈ কোৱা নাই এইকাৰণে যে , তেওঁলোকে কাম কৰি খাই । কিন্তু কাম কৰি খোৱাৰ সমান্তৰালকৈ তেওঁলোকৰ যোগেদি এনেকুৱা কিছুমান কাম হয় আছে যিবোৰ আমাৰ জনসংখ্যা আৰু গণতন্ত্ৰৰ বাবে ভয়ানক কথা । সেইকাৰণে আমাৰ ভয় যে , হাজাৰ হাজাৰ মানুহ প্ৰাণ দি স্বাধীনতা ৰক্ষা কৰিছিল , সেই স্বাধীনতা থাকিবনে I’
বৰগোহাঁয়ে কয় যে ,১৬৬৯ চনৰ ৫ আগষ্টত আলাবৈত একেলগে ১০ হাজাৰ মানুহৰ মৃত্যু হৈছিল । তেওঁ কয়, ‘আমি অহংকাৰ কৰি ক’ব পাৰোঁ উজনি অসমত এনেকুৱা এটা আহোম পৰিয়াল নাই যিটো পৰিয়ালত সেই সময়ত এজনো মানুহ মৰা নাই । আমি আন্তৰিকতাৰে অসমীয়াক ভাল পাওঁ , অসমীয়া জাতিটোক ভাল পাওঁ , অসমীয়া ভাষাক ভাল পাওঁ কিয়নো আমি নিজৰ ভাষা বাদ দি অসমীয়া ভাষা গ্ৰহণ কৰিছোঁ । আমি নিশ্চিত যে , যিটো গতিত তেওঁলোকৰ জনসংখ্যা বাঢ়িছে সেই বঢ়া জনসংখ্যাটোৰ কাৰণে আমাৰ উজনিৰ মানুহে ভোটত কেতিয়াওঁ জিকিব নোৱাৰে ।গতিকে এই জাতিটোক ৰক্ষণাবেক্ষণ দিব লাগিব ।’
বৰগোহাঁয়ে কয় যে, ৰেজাউল কৰিম সৰকাৰৰ মন্তব্য জাতিটোৰ বাবে গ্ৰহণযোগ্য নহয় । লগতে এটা কথা কওঁ যে , গৌৰৱ গগৈ শিক্ষিত হয় , ইংলিছ ক’ব পাৰে , ধুনীয়াকৈ হিন্দী ক’ব পাৰে কিন্তু গৌৰৱ গগৈৰ বুৰঞ্জীৰ জ্ঞান অলপো নাই । ১৪ বছৰ বিধানসভাত থকাৰ পিছতো ১৮৩০ চনত ২৪ ছেপ্টেম্বৰত পিয়লি ফুকনক ফাঁচী দিয়াৰ কথা তেওঁ এবাৰো নকলে । তেওঁৰ বুৰঞ্জীৰ জ্ঞান নথকা বাবে , এক সম্প্ৰদায়ৰ ভোট গোটাই শাসনত আহিব বিচাৰিছে ।