Prominent musician Samar Hazarika passes away:
উৰুকাৰ পুৱাই ৰাজ্যবাসীৰ বাবে এটা বেয়া খবৰ ৷ বিশিষ্ট সংগীত শিল্পী তথা ভাৰত ৰত্ন ড:ভূপেন হাজৰিকাৰ কনিষ্ঠ ভাতৃ সমৰ হাজৰিকাৰ দেহাৱসান ৷ আজি পুৱা ৮.৪৫ বজাত মহানগৰীৰ নিজৰাপাৰৰ নিজ বাসগৃহত শেষ নিশ্বাস ত্যাগ বৰ্ষীয়ান শিল্পী গৰাকীয়ে ৷ দীৰ্ঘদিন ধৰি অসুস্থ হৈ থকা শিল্পী গৰাকী শেহতীয়াকৈ আক্রান্ত হৈছিল নিউমোনিয়া ৰোগত। প্ৰথিতযশা শিল্পী গৰাকীৰ পৰলোকপ্ৰাপ্তি খবৰ লাভ কৰাৰ পিছত অজস্ৰজন গুণমুগ্ধ উপস্থিত হয় নিজৰাপাৰৰ বাসগৃহত । শোকাহত হৈ পৰে ৰাজ্যবাসী ৷
ইপিনে ৰাজ্য চৰকাৰে বিশিষ্ট শিল্পী গৰাকীৰ নশ্বৰদেহ ৰাজ্যিক মৰ্যাদাৰে শেষকৃত্য সম্পন্ন কৰাৰ কথা ঘোষণা কৰিছে । আজি বিয়লি নৱগ্ৰহত শেষকৃত্য সম্পন্ন হ’ব সংগীত শিল্পী সমৰ হাজৰিকাৰ নশ্বৰদেহ ৷