Jamugurighat:
জামুগুৰিহাটৰ ধলাইবিল-চৈবাৰীৰ জ্যোতি-বিষ্ণু সমন্বয় ক্ষেত্ৰত অহা ৬,৭আৰু ৮ফেব্ৰুৱাৰীত অনুষ্ঠিত হ’ব লগা শ্ৰীমন্ত শংকৰদেৱ সংঘৰ ৯৫সংখ্যক ৰাজ্যিক অধিবেশনৰ প্ৰস্তুতি তুংগত। অধিবেশনলৈ হাতত মাথো কেইটামান দিন বাকী থকা অৱস্থাত জ্যোতি- বিষ্ণু সমন্বয় ক্ষেত্ৰত যুদ্ধকালীনভাৱে চলিছে প্ৰস্তুতিৰ সকলো কাম-কাজ। অধিবেশনখনি সফলভাৱে অনুষ্ঠিত কৰিবলৈ শ্ৰীমন্ত শংকৰদেৱ সংঘৰ সেৱক সেৱিকা সকলে দিন ৰাতি একাকাৰ কৰি কৰিছে শ্ৰমদান। ইফালে অধিৱেশনৰ সফল কামনা কৰি জ্যোতি-বিষ্ণু সমন্বয় ক্ষেত্ৰত শ্ৰমদান কৰিছেহি জামুগুৰিহাটৰ বাকোলা গাঁৱৰ ইছলাম ধৰ্মীয় লোকসকলেও।প্ৰতিনিধিৰ শিবিৰ নিৰ্মানত শ্ৰমদান কৰিছে এইসকল ইছলাম ধৰ্মীয় ৰাইজে ।
