Raajneeti 2:✒️সাত বছৰ প্ৰেমৰ সম্পর্ক আছিল ৰণবীৰ সিং আৰু কেটৰিণা কাঈফৰ। বলিউদৰ চৰ্চা অনুসৰি, অতিশয় তিক্ততাৰ মাজেৰে সেই সম্পর্ক ছিন্ন হৈছিল। আনকি দুয়োৰে সাক্ষাৎকাৰতো সেই তিক্ততা ভাহি আহিছিল।
ৰণবীৰ আৰু কেটৰিণাই অন্তিমবাৰলৈ ‘জয়া জাছুছ’ত একেলগে অভিনয় কৰিছিল। তাৰ পাছত দুয়োকে এটা বিজ্ঞাপনত একেলগে দেখা গৈছিল। তাৰ পাছতে দুয়োৰে সম্পর্ক ভাঙে আৰু দীর্ঘদিন পৰস্পৰৰ পৰা আঁতৰি আছিল।
ইতিমধ্যে দুয়ো সংসাৰ কৰিছে আৰু সন্তানৰ অভিভাৱকো হৈছে। চৰ্চা হৈছে যে পূৰ্বৰ সকলো তিক্ততা পাহৰি ৰণবীৰ আৰু কেটৰিণাই পুনৰ একেলগে অভিনয় কৰিবলৈ সাজু হৈছে।
২০০৮-০৯ত ‘অজৱ প্রেম কি গজব কাহানি’ ছবিৰ ছেটত ৰণবীৰ আৰু কেটৰিণাৰ প্ৰেমৰ সম্পৰ্ক আৰম্ভ হৈছিল। সেই সময়ত বণবীৰৰ স’তে সম্পর্ক আছিল দীপিকা পাডুক’নৰ। আনহাতে,ছলমান খানৰ স’তে সম্পর্ক আছিল কেটৰিণাৰ।
ইয়াৰ পাছত ৰণবীৰ আৰু কেটৰিণাৰ সম্পৰ্ক আৰু দৃঢ় হয়। তেওঁলোকে আনকি একেলগে থাকিবলৈকো আৰম্ভকৰিছিল। দুয়ো ২০১৬ৰ শেষৰ ফালে বিয়াৰো পৰিকল্পনা কৰিছিল; কিন্তু তাৰ আগতেই তেওঁলোকৰ সম্পর্ক ভাঙি পৰে।
সম্পর্ক ভঙাৰ পাছত দুই তাৰকাই অনুৰাগ বসুৰ ছবি ‘জয়া জাছুছ’ৰ শূটিং শেষ কৰে। ছবিখনৰ প্ৰচাৰৰ সময়ত দুয়ো প্রকাশ্যে তর্ক-বিতর্কত জড়িত হোৱাও দেখা গৈছিল।
প্ৰেমৰ সম্পৰ্ক থকাৰ সময়তে ৰণবীৰ আৰু কেটৰিণাই প্রকাশ ঝাৰ ছবি ‘ৰাজনীতি’ত অভিনয় কৰিছিল। ছবিখনে যথেষ্ট প্রশংসা লাভ কৰিছিল। শুনা গৈছে যে শীঘ্রেই নির্মাণ হ’ব ‘ৰাজনীতি ২’।
সম্প্রতি এক সাক্ষাৎকাৰত পৰিচালক প্রকাশ ঝাই জনাইছে যে ছবিৰ কামক লৈ ইতিমধ্যেই চিন্তা-ভাবনা আৰম্ভ হৈছে। ৰণবীৰ আৰু কেটৰিণাকো বাৰু দেখা যাব নেকি? এই প্ৰশ্নৰ উত্তৰত অৱশ্যে পৰিচালকজনে কয় যে কোনে কোনে অভিনয় কৰিব সেয়া এতিয়াও চূড়ান্ত হোৱা নাই।
ৰাজনীতিত ৰণবীৰ আৰু কেটৰিণাৰ উপৰি নানা পাটেকাৰ, অজয় দেবগণ আৰু অর্জুন ৰামপালেও অভিনয় কৰিছিল। দ্বিতীয় অধ্যায়তো এই সকল অভিনয় শিল্পীকে দেখা পোৱাৰ সম্ভাবনা আছে বুলি পৰিচালকৰ সূত্রই জনাইছে। লগতে দুই-এজন নতুন তাৰকাকো দেখাৰ সম্ভাৱনা আছে। সেয়া হ’লে দীর্ঘদিনৰ পাছত ৰণবীৰ আৰু কেটৰিণাক পুনৰ একেলগে ছবিত দেখা যাব।
উল্লেখ্য যে তিক্ততাৰে সম্পৰ্ক ছিন্ন হ’লেও সেয়া এতিয়া অতীত বুলিয়ে ক’ব পাৰি। ৰণবীৰে ইতিমধ্যে আলিয়া ভাটক বিয়া কৰাইছে। কেটৰিণাৰ বিয়া হৈছে ভিকি কৌশলৰ স’তে। ৰণবীৰ আৰু ভিকি ভাল বন্ধু আৰু দুয়ো একেলগে ছবিও কৰিছে। আনহাতে, কেটৰিণা আৰু আলিয়াৰ মাজতো সু-সম্পর্ক আছে।
