Siddhartha Bhattacharya:✒️আগন্তুক অসম বিধানসভা নিৰ্বাচনৰ পূৰ্বে ৰাজনৈতিক তৎপৰতাৰ মাজতেই নিউ গুৱাহাটী সমষ্টিক লৈ বিজেপিৰ সিদ্ধান্তই নতুন বিতৰ্কৰ সূচনা কৰিছে।
বহু বছৰ ধৰি দলৰ ভিতৰত শক্তিশালী স্থিতি গঢ়ি তোলা, সংগঠন চলোৱা আৰু নেতৃত্ব দিয়া সিদ্ধার্থ ভট্টাচাৰ্যক বাদ দি দীপ্লুৰঞ্জনক প্ৰাৰ্থী হিচাপে ঘোষণা কৰাটো এতিয়া ৰাজনৈতিক মহলত ডাঙৰ প্ৰশ্নৰ সৃষ্টি কৰিছে।
নিউ গুৱাহাটীত সংগঠন মজবুত কৰা আৰু নতুন মুখ আগবঢ়োৱাৰ নামত লোৱা এই সিদ্ধান্তক বহুতেই এতিয়া অভিজ্ঞতা আৰু আনুগত্যৰ ওপৰত স্পষ্ট অবহেলা বুলি উল্লেখ কৰিছে।
দীপ্লুৰঞ্জনক আগবঢ়োৱাৰ জৰিয়তে বিজেপিয়ে “নতুন মুখ”ৰ কথা কৈ থাকিলেও, এতিয়া বহুতৰে মনত প্ৰশ্ন উঠিছে,নতুন মুখৰ নামত অভিজ্ঞ নেতাসকলক বাদ দিয়াটো কিমান যুক্তিযুক্ত?
নিউ গুৱাহাটীৰ দৰে গুৰুত্বপূর্ণ সমষ্টিত এই সিদ্ধান্তই নিৰ্বাচনী সমীকৰণত ডাঙৰ প্ৰভাৱ পেলাব পাৰে বুলি ৰাজনৈতিক বিশ্লেষকে মত প্ৰকাশ কৰিছে।
ইফালে, আজিৰ প্ৰাৰ্থী তালিকাত স্থান নোপোৱাৰ ভিতৰত সিদ্ধার্থ ভট্টাচাৰ্যৰ নাম থকাৰ ফলত দলৰ ভিতৰত অসন্তোষৰ সুৰো স্পষ্ট হৈছে। বহু কৰ্মী-সমৰ্থকে এই সিদ্ধান্তক মানি ল’ব পৰা নাই বুলি ইতিমধ্যে আলোচনা চলিছে।