SC dismissed Pawan Khera’s bail extension application:
দৈনিক অগ্ৰদূত ডিজিটেল ডেক্স:–বিপদ সমাগত কংগ্ৰেছ মুখপাত্ৰ পৱন খেড়াৰ ৷ গ্ৰেপ্তাৰ হোৱাৰ সম্ভাৱনা প্ৰকট হৈ পৰিছে ৷ সৰ্বোচ্চ ন্যায়ালয়ে জামিনৰ ম্যাদ বৃদ্ধিৰ বাবে খেড়াই জনোৱা আৱেদন শুকুৰবাৰে খাৰিজ কৰে ৷ অহা মঙলবাৰলৈকে জামিনৰ ম্যাদ বঢ়োৱাৰ আৰ্জি জনাইছিল খেড়াই ৷ আজি ন্যায়ালয়ে দিয়া নিৰ্দেশনাত উল্লেখ কৰে যে খেড়াক শীঘ্রেই গুৱাহাটী উচ্চ ন্যায়ালয়ৰ দ্বাৰস্থ হওক । জামিন সম্পৰ্কে চুড়ান্ত সিদ্ধান্ত ল’ব গুৱাহাটী উচ্চ ন্যায়ালয়ে ৷
উল্লেখ্য যে মুখ্যমন্ত্ৰী ড:হিমন্ত বিশ্ব শৰ্মাৰ পত্নী ৰিনিকি ভূঞা শৰ্মাৰ তিনিখন দেশৰ পাছপোৰ্ট থকাৰ বিষয়ে সদ্য সমাপ্ত ৰাজ্যৰ বিধানসভা নিৰ্বাচনৰ প্ৰাকমুহূৰ্তত এক সংবাদমেলৰ জৰিয়তে অভিযোগ উম্থাপন কৰিছিল কংগ্ৰেছ মুখপাত্ৰ পৱন খেড়াই ৷ এই অভিযোগ একেমুখে নাকচ কৰি খেড়াৰ বিৰুদ্ধে গুৱাহাটী ক্ৰাইম বাঞ্চত এক গোচৰ ৰজু কৰে ৷ এই গোচৰৰ ভিত্তিত গুৱাহাটী ক্ৰাইম বাঞ্চৰ এটা দলে খেড়াৰ দিল্লীস্থিত বাসগৃহত অভিযান চলাই এটা লেপটপ,এটা পেইন ড্ৰাইভ সহ কেতবোৰ নথিপত্ৰ জব্দ কৰে যদিও সেই সময়ত ঘৰত নাছিল খেড়া । আনহাতে অজ্ঞান স্থানৰ পৰা নিজা অধিবক্তাৰ জৰিয়তে খেড়াই তেলেংগানা হাইকৰ্টৰ পৰা এসপ্তাহৰ অন্তৱৰ্তীকালীন জামিন লাভ কৰে ৷
ইপিনে খেড়াৰ এই জামিনৰ বিৰোধীৰে অসম চৰকাৰ দ্বাৰস্থ হয় উচ্চতম ন্যায়ালয় ৷ ন্যায়ালয়ে শুনানি গ্ৰহণ কৰি ইতিমধ্যে তেলেংগানা হাইকৰ্টৰ এসপ্তাহৰ অন্তৱৰ্তীকালীনৰ নিৰ্দেশনাত স্থগিতাদেশ জাৰি কৰিছিল ৷ যাৰবাবে গুৱাহাটী উচ্চ ন্যায়ালয় বন্ধ থকাৰ অজুহাত দেখুৱাই খেড়াই পুনৰাই জামিনৰ ম্যাদ বৃদ্ধিৰ বাবে আৱেদন জনাই সৰ্বোচ্চ ন্যায়ালয়ত ৷ কিন্ত শুকুৰবাৰে শুনানি গ্ৰহণ কৰি জামিনৰ ম্যাদ বৃদ্ধিৰ বাবে আৱেদন খাৰিজ কৰি গুৱাহাটী উচ্চ ন্যায়ালয়ৰ কাষ চপাৰহে নিৰ্দেশনা জাৰি কৰে সৰ্বোচ্চ ন্যায়ালয়ে ৷