Keralam:
কেৰালামৰ থ্ৰিছূৰ জিলাত এক আতচবাজি গুদামত সংঘটিত ভয়ংকৰ বিস্ফোৰণত কমেও ১৩ জন লোকৰ মৃত্যু হৈছে। মঙ্গলবাৰে দুপৰীয়া থালাপ্পিলিৰ মুন্ডাথিক্কোডু অঞ্চলত সংঘটিত এই ঘটনাত বহু লোক আহত হৈছে।
স্থানীয় সূত্ৰ অনুসৰি, ত্ৰিশূৰৰ বিখ্যাত ‘পুৰম’ উৎসৱৰ বাবে গুদামটোত বৃহৎ পৰিমাণৰ আতচবাজি মজুত কৰি ৰখা হৈছিল। বিস্ফোৰণৰ পাছতে মুহূৰ্ততে জুইয়ে ভয়ংকৰ ৰূপ ধাৰণ কৰে আৰু সমগ্ৰ অঞ্চলটোত জুইৰ কৱলত পৰে।
উৎসৱৰ আয়োজনৰ স’তে জড়িত মুখ্য সংগঠনসমূহৰ ভিতৰত অন্যতম থিৰুভাম্বাডী দেবস্বমৰ কৰ্মচাৰীসকল এই ঘটনাত অধিক ক্ষতিগ্ৰস্ত হৈছে। আহতসকলৰ মাজত কেবাজনৰ অৱস্থা সংকটজনক বুলি চিকিৎসকসকলে জনাইছে।
ঘটনাৰ খবৰ পোৱাৰ লগে লগে দমকল বাহিনী ঘটনাস্থলীত উপস্থিত হয় আৰু অগ্নিনিৰ্বাপণৰ কাম আৰম্ভ কৰে। লগতে এম্বুলেন্সযোগে আহতসকলক উদ্ধাৰ কৰি বিভিন্ন চিকিৎসালয়লৈ প্ৰেৰণ কৰা হয়, য’ত থ্ৰিছূৰ মেডিকেল কলেজ অন্যতম।
দমকল বিভাগৰ এজন বিষয়াই জনোৱা মতে, “পোৱা তিনি বজাৰ সময়ত বিস্ফোৰণৰ খবৰ পোৱা যায়। গুদামটো এখন পথাৰৰ মাজত অৱস্থিত আছিল আৰু বিস্ফোৰণৰ তীব্ৰতা অধিক I