Mumbai:
দৈনিক অগ্ৰদূত ডিজিটেল ডেক্স:-মুম্বাইৰ ৱৰলী অঞ্চলত ভাৰতীয় জনতা পাৰ্টিৰ উদ্যোগত আয়োজিত “মহিলা জন আক্ৰোশ” ৰেলীৰ ফলত সৃষ্টি হোৱা যানজঁটত আবদ্ধ হৈ পৰা এগৰাকী মহিলাই ৰণচণ্ডী ৰূপ ৷
এঘণ্টাৰো অধিক সময় যানজঁটত আবদ্ধ হৈ থকা মহিলা গৰাকীয়ে মুকলিকৈ প্ৰতিবাদকাৰীৰ বিৰুদ্ধে ক্ষোভ প্ৰকাশ কৰি তেওঁলোকৰ সৈতে মুখামুখি হয়। এই সমাৱেশত অংশগ্ৰহণ কৰা মন্ত্ৰী গিৰীশ মহাজনৰ সৈতেও তৰ্ক-বিতৰ্ক কৰা দেখা গৈছিল।
মহিলা সংৰক্ষণ বিধেয়কৰ বিৰুদ্ধে মিত্ৰজোঁটৰ প্ৰতিবাদৰ মাজতে আয়োজন কৰা এই বিজেপি ৰেলী। বৃহৎ সংখ্যক লোকে এই সমাৱেশত অংশগ্ৰহণ কৰাৰ ফলত ৱৰ্লিৰ ৰাজপথত তীব্ৰযান-জঁটৰ সৃষ্টি হয়।
ইফালে যান-জঁটত আবদ্ধ হৈ থকা এগৰাকী মহিলাই প্ৰতিবাদকাৰীৰ মাজলৈ হাত আগবঢ়াই অসন্তুষ্টি প্ৰকাশ কৰিবলৈ আৰম্ভ কৰে। প্ৰতিবাদৰ বাবে ৰাজপথ বাছি লোৱাটো প্ৰয়োজনীয় নেকি বুলি প্ৰশ্ন কৰে । এনে সমাৱেশে জনসাধাৰণৰ বাবে যথেষ্ট অসুবিধাৰ সৃষ্টি কৰে। মহিলাগৰাকীয়ে দাবী জনাইছে যে আৰক্ষীয়ে ৰেলী পথৰ সলনি মুকলি পথাৰলৈ স্থানান্তৰিত কৰক, যাতে জনসাধাৰণৰ সুৰক্ষাত কোনো প্ৰভাৱ নপৰে।
এই সময়ছোৱাত মহিলাগৰাকীয়ে ৰাজ্যৰ মন্ত্ৰী গিৰীশ মহাজনৰ প্ৰতিও ক্ষোভ প্ৰকাশ কৰি অসুবিধাৰ বাবে তেওঁক দোষাৰোপ কৰি কয়, আন্দোলন মুকলি স্থানত কৰক, পথত নহয়৷
আনহাতে এজন আৰক্ষী বিষয়াই মহিলা গৰাকীক শান্ত কৰিবলৈ চেষ্টা কৰাৰ সময়তে মহিলা গৰাকীয়ে কোনো ধৰণৰ কথা-বতৰা পাতিবলৈ স্পষ্টভাৱে অস্বীকাৰ কৰি তৎকালীনভাৱে ট্ৰেফিক ক্লিয়াৰেন্সৰ ওপৰত জোৰ দিছিল।
এই ঘটনাৰ ভিডিঅ’ ইতিমধ্যে ছ’চিয়েল মিডিয়াত ক্ষন্তেকতে ভাইৰেল হৈ পৰে, যাৰ ফলত বিভিন্ন প্ৰতিক্ৰিয়াৰ সৃষ্টি হয়।