Zubern garg Murder Case:
দৈনিক অগ্ৰদূত ডিজিটেল ডেক্স:-জুবিন গাৰ্গ হত্যাকাণ্ডৰ অভিযুক্ত শ্যামকানু মহন্তৰ জামিন আবেদনৰ শুনানি সম্পন্ন হয় বৃহস্পতিবাৰে ন্যায়াধীশ শৰ্মিলা ভূঞাৰ ফাষ্টট্ৰেক আদালতত। আদালতে এই সন্দৰ্ভত ৰায় বিয়লি ভাগত ৰায়দান প্ৰদান কৰাৰ সম্ভাৱনা আছে। আনহাতে আদালতলৈ আহি শ্যামকানু মহন্তক পুনৰ নির্দোষী সজাই কেতবোৰ মন্তব্য প্ৰকাশ কৰে শ্যামকানু মহন্তৰ পত্নী অনিতা ডেকা মহন্তই।
তেওঁ কয়,শ্যামকানু মহন্তই সুৰা যোগান ধৰাৰ কোনো প্রমাণ নাই। ১৭ছেপ্টেম্বৰত দিয়া বুলি কোৱা হৈছে, ঘটনাটো হৈছে ১৯ ছেপ্টেম্বৰত।জুবিন গাৰ্গক সুৰাৰ বটল যোগান ধৰা আৰু জোৰ জবৰদস্তী ছিংগাপুৰলৈ লৈ যোৱা অভিযোগৰ কোনো প্রমাণেই নাই আৰক্ষীৰ হাতত ৷ কোনো প্রমাণ নোহোৱাকৈ ৭ মাহ জে’লত ৰখাটো সহজ কথা নহয়৷ন্যায় পাম বুলি আমি আশাবাদী ৷আনৰ ভাষ্যৰ আধাৰত বিচাৰ চলিছে। আদালতত তথ্য প্রমাণ দাখিল কৰিব পৰা নাই আৰক্ষীয়ে। শ্যামকানু মহন্তই সুৰা যোগান ধৰাৰ কোনো প্রমাণ নাই। ১৭ছেপ্টেম্বৰত দিয়া বুলি কোৱা হৈছে, ঘটনাটো হৈছে ১৯ ছেপ্টেম্বৰত। জুবিনক জোৰ-জবৰদস্তি নিয়াৰ কোনো প্রমাণ নাই।”
আনহাতে জুবিনৰ নিচিনা ইমান ডাঙৰ এটা সত্বা আমাৰ মাজৰ পৰা গুছি গৈছে। এটা ডাঙৰ সাংস্কৃতিক শূন্যতা হৈছে, এই শূন্যতা আমি সৃষ্টিশীলতাৰে পূৰ্ণ কৰিব লাগিছিল, হিংসা-খঙেৰে নহয়। নতুন নতুন সংগীত সৃষ্টি কৰি আগবাঢ়িব লাগিছিল বুলি তাৎপৰ্যপূৰ্ণ মন্তব্য প্ৰকাশ কৰি অনিতা ডেকা মহন্তই শ্যামকানু মহন্তৰো কিমান বেয়া লাগিছে, জুবিন গাৰ্গ তেওঁৰ নলে-গলে লগা বন্ধু। জুবিন গার্গে শ্যামকানু মহন্তৰ সপোনবোৰ প্ৰথমদিনাৰ পৰাই সমৰ্থন কৰিছিল। শ্যামকানু মহন্তয়ো নিজৰ এজন শুভাকাংক্ষী হেৰুৱাইছে ৷
জুবিনৰ ন্যায় আমিও বিচাৰিছো। জুবিনে অসমীয়া সংস্কৃতিক বিশ্ব দৰবাৰত প্ৰতিষ্ঠা কৰিবলৈ নিজে গৈছিল ছিংগাপুৰ। আনকি জুবিনক এখন পঞ্চতাৰকা হোটেলৰ বিলাসী কোঠাত ৰখা হৈছিল ৷ য়ট পাৰ্টীৰ কথা শ্যামকানু মহন্তই নাজানিছিল। ঘটনাৰ সময়ত ৫০ কিলোমিটাৰ দূৰত্বত এখন মিটিঙতহে ব্যস্ত আছিল শ্যামকানু মহন্ত। আনকি মই নিজেও ছিংগাপুৰত উপস্থিত আছিলো সেই অনুষ্ঠানৰ বাবে।