দাবী তৰুণ গগৈ
লোকসভা নিৰ্ব্বাচনত এ আই ইউ ডি এফৰ লগত বুজাবুজি নোহোৱাৰ দাবী কৰিলেও দলটোৰ সমৰ্থকৰ সমৰ্থন কংগ্ৰেছ পাব বুলি প্ৰকাশ কৰে প্ৰাক্তন মুখ্যমন্ত্ৰী তৰুণ গগৈয়ে ।গগৈয়ে কয়, ‘ ইউ ডি এফে সংখ্যালঘু ভোটাৰৰ প্ৰভাৱ নথকা সমষ্টিত প্ৰাৰ্থী নিদিলে কংগ্ৰেছৰ লাভ হ’বনে নহয় মই কোৱা নাই । কিন্তু আমাৰ ভাল হ’ব। ইউ ডি এফৰ অৱস্থা ভাল নহয় । বেয়া বাবেহে তিনিটাত প্ৰাৰ্থী দিব। পঞ্চায়ততো কংগ্ৰেছক নোৱাৰিলে । সমৰ্থকসকলৰ বহুতে আমাক সমৰ্থন জনাব । নিৰ্ব্বাচনৰ যুদ্ধ বিজেপিৰ লগতহে হ’ব। তাৰ বাবে আমি সাজু। আমাৰ লক্ষ্য ১৪খন আসনে। কিন্তু আমাৰ দখললৈ আহিবলগীয়া আসন ১০ খনৰ কম নহয় । তাৰ ইংগিত বিজেপিয়ে দিছে।’ গগৈয়ে দাবী কৰে যে সমগ্ৰ দেশত বতাহ এতিয়া কংগ্ৰেছৰ পক্ষত বলিছে। সেইবাবে বিজেপি নাৰ্ভাছ হৈছে । তেওঁলোক যে কাম কৰাত ব্যৰ্থ হৈছে তাৰ প্ৰমাণ অসমতে ওলাইছে । হাৰিব বুলি জানিয়ে বৰ্তমানৰ সাংসদৰো নাম বাদ দি নতুন প্ৰক্ষেপ কৰাটোৱে প্ৰমাণ বুলি গগৈয়ে কয়। লালকৃষ্ণ আদৱানিৰ দৰে নেতাকো প্ৰাৰ্থীত্ব নিদিয়াটোয়ে বিজেপিৰ বিপৰ্যয়ৰ ইংগিত দিয়া বুলিও তেওঁ মন্তব্য কৰে।