Drugs Seized in Chirang:
চিৰাঙত নিষিদ্ধ ড্ৰাগছ সহ এজনক আটক। জিলাখনৰ কাজলগাঁও থানাৰ অন্তৰ্গত বৰতালোৱাৰ জামতলাত এক গোপন তথ্যৰ ভিত্তিত কাজলগাঁও থানাৰ আৰক্ষীয়ে নিষিদ্ধ ড্ৰাগছ সহ এজনক আটক কৰে।
As-19-C 0820 নম্বৰৰ টেম্পো গাড়ীৰ এয়াৰ ফিল্টাৰৰ ভিতৰতৰ পৰা ১২ টা নিষিদ্ধ ড্ৰাগছ ভৰ্তি কণ্টেইনাৰ আৰু ১২ টাই খালি কণ্টেইনাৰ সহ এজনক আটক কৰিবলৈ সক্ষম হয় আৰক্ষী। গ্ৰেপ্তাৰ কৰা লোকজন চিৰাং জিলাৰ ছাতিপুৰ তিনিআলিৰ মনোৱাৰ হুছেইন ওৰফে মনো।
মনোৱাৰ হুছেইনে সাংবাদিকৰ কেমেৰাৰ আগত কয় নিষিদ্ধ ড্ৰাগছ খিনি ছাতিপুৰৰ আমিৰ আলীৰ ঘৰৰ পৰা আনিছে। স্থানীয় ৰাইজে সমগ্ৰ ঘটনাৰ তদন্ত কৰি আমিৰ আলীৰ লগতে এই ড্ৰাগছ ব্যৱসায়ী সকলক আটক কৰিবলৈ চিৰাং জিলা প্ৰশাসনক আহ্বান জনায়।
উল্লেখযোগ্য যে আমিৰ আলী, ছাহজাহান আলী আৰু ময়না নামৰ ড্ৰাগছ ব্যৱসায়ীয়ে ছাতিপুৰ বৰতালোৱা অঞ্চলৰ বহু যুৱকক জীৱন ধ্বংসৰ কৰিছে এই ড্ৰাগছ ব্যৱসায়ী কৰি। ইয়াৰ পিছত আৰক্ষী প্ৰশাসনে কি ব্যৱস্থা গ্ৰহণ কৰে সেয়া লক্ষণীয় হ’ব।