বকলীয়াঘাটত গ্ৰেণেড বিস্ফোৰণ

হাওৰাঘাট : বুধবাৰে সন্ধিয়া কাৰ্বি আংলং জিলাৰ বকলীয়াঘাটত এটা শক্তিশালী গ্ৰেণেড বিস্ফোৰণ হয় ৷ কাইলৈ লোকসভা নিৰ্বাচনৰ প্ৰাকক্ষণত বুধবাৰে হোৱা গ্ৰেনেড বিস্ফোৰণে সৰ্বত্ৰ ভয় শংকাৰ সৃষ্টি কৰিছে ৷ ৩৬ নং ৰাষ্ট্ৰীয় ঘাইপথত গ্ৰেনেডটো কোনোৱে পেলাই থৈ যোৱাৰ লগে লগে প্ৰচণ্ড শব্দ কৰি গ্ৰেনেডটো বিস্ফোৰণ হয় ৷ প্ৰায় এক কিমি দুৰলৈ  বিস্ফোৰিত গ্ৰেনেডৰ শব্দই বকলীয়াঘাট নগৰ কঁপাই যায় ৷ বিস্ফোৰণত ব্যৱসায়ী অনিল গুপ্তাৰ বাসভৱনৰ বাঁহৰ বেৰ, টিনৰ গেটৰ লগতে এখন মিনি ট্ৰাকৰ (AS 02 E 4103 নম্বৰৰ) সন্মুখৰ আইনা প্ৰায় বিধ্বস্থ হয় ৷ এই বিস্ফোৰণত কোন জড়িত এতিয়াও নিশ্চিত হোৱা নাই ৷