What are the dangers of sleeping too much?
শৰীৰ সুস্থ হৈ থাকিবলৈ খাদ্যৰ লগতে টোপনিৰ প্রয়োজন। নির্দিষ্ট সময় টোপনি হ’লেহে শৰীৰৰ ক্লান্তি আঁতৰ হোৱাৰ লগতে পৰৱৰ্তী সময়ত কাম কৰাৰ বাবেও শক্তি লাভ কৰে। শৰীৰ সতেজ হয়। মানুহে যিমানেই ভাল খাদ্য নাখাওক কিয় যদিহে টোপনি ভাল নহয় তেতিয়াহ’লে কোনোৱে সুস্বাস্থ্যৰ অধিকাৰী হ’ব নোৱাৰে। অৱশ্যে সুস্থ। শৰীৰৰ বাবে যিদৰে উপযুক্ত টোপনিৰ প্ৰয়োজন তেনেদৰে অতিৰিক্ত টোপনিয়ে শৰীৰত কুপ্ৰভাৱ পেলোৱাৰ আশংকা নুই কৰিব নোৱাৰি।
✅ ছেৰোটোনিন হৰম’নে টোপনি নিয়ন্ত্ৰণ কৰে। এইবিধ হৰম’নৰ পৰিমাণ স্বাভাৱিক হৈ থাকিলে টোপনি ভাল হয়। পিছে অতিৰিক্ত সময় শোৱাৰ ফলত ছেৰোটোনিনৰ ওপৰত নেতিবাচক প্ৰভাৱ পৰে। তদুপৰি নিৰ্ডৰোট্ৰেন্সমিটাৰক বাধা দিয়াৰ ফলত মূৰৰ বিষ সৃষ্টি হোৱাৰ আশংকা থাকে।
✅ বেছিকৈ শোৱাৰ ফলত পিঠিৰ বিষ হোৱাৰ আশংকাও নুই কৰিব নোৱাৰি। যিসকল লোকে বেছি সময় শোবে তেওঁলোকৰ পিঠিৰ পেশীৰ ওপৰত প্ৰভাৱ পৰে। বিশেষকৈ পেশীৰ ওপৰত চাপ সৃষ্টি হ’লে বিভিন্ন সমস্যাই গা কৰি উঠিব পাৰে।
ডিপ্রেচন বা হতাশাৰ কাৰণ হ’ব পাৰে অতিৰিক্ত টোপনি। যিসকলে প্রয়োজনতকৈ বেছি সময় শোবে তেওঁলোকৰ হতাশাই গা কৰি উঠাৰ প্ৰৱণতা থাকে। কাৰণ টোপনি বেছিকৈ হোৱা মানে কাম-কাজত প্ৰভাৱ পৰে।
✅ বেছিকৈ শুলে অথবা কমকৈ টোপনি গ’লে ইয়াৰ প্ৰভাৱ মস্তিষ্কৰ ওপৰত পৰে বুলি গৱেষকসকলে মন্তব্য কৰিছে। ইয়াৰ ফলত এনবোইমাৰৰ দৰে ৰোগে গা কৰি উঠাৰ প্রবণতা থাকে।
✅ কোৰিয়াৰ মহিলাৰ ওপৰত চলোৱা এক গবেষণাত এই বুলি গবেষকসকলে তথ্য লাভ কৰিছে যে যি সকলে ন ঘণ্টাতকৈ বেছি সময় টোপনি যায় তেওঁলোকৰ গৰ্ভধাৰণৰ ক্ষমতাৰ ওপৰত প্ৰভাৱ পৰাৰ আশংকা থাকে। গবেষকে উল্লেখ কৰা মতে যিসকল মহিলাই সাতৰ পৰা আঠ ঘণ্টা টোপনি যায় তেওঁলোকৰ সন্তান ধাৰণৰ ক্ষমতা স্বাভারিক। আনহাতে, যিসকলে কম সময় অথবা ন ঘণ্টাতকৈ বেছি শোবে তেওঁলোকৰ গৰ্ভধাৰণৰ ক্ষমতা হ্রাস পাব পাৰে।
✅ শেহতীয়াভাবে গৱেষকসকলে কৰা মন্তব্য অনুসৰি বেছিকৈ শুলে ডায়েবেটিছ হোৱাৰ আশংকা থাকে।
✅ নেচনেল হেল্থ এণ্ড নিউট্রিচন এক্সামিনেচন ছার্ভেব তথ্য অনুসৰি প্রয়োজনতকৈ বেছি শুৱা লোকৰ হহৃদৰোগ হোৱাৰ আশংকা থাকে। কম অথবা বেছিকৈ শোৱাৰ ফলত হৃদৰোগৰ উপৰি স্ট্রোক হোৱাৰো শংকা নুই কৰিব নোৱাৰি। ৰক্ত সঞ্চালনৰ গতি হ্রাস পোৱাৰ ফলত ‘এঞ্জিনা’ (বুকুৰ বিষ) হ’ব পাৰে। কেম্ব্রিজ বিশ্ববিদ্যালয়ৰ গবেষকসকলে এই বুলি উল্লেখ কৰিছে যে যিসকলে আঠ ঘণ্টাতকৈ বেছি শোৱে তেওঁলোকৰ ষ্ট্ৰোকৃৰ শংকা বেছি। ১১ বছৰত ৯৭০০ গৰাকী লোকৰ ওপৰত গৱেষণা চলাই এই বুলি তথ্য লাভ কৰিছে যে আঠ ঘণ্টাতকৈ বেছি যিয়ে শুৱে তেওঁলোকৰ ৪৬ শতাংশই স্ট্রোকত আক্রান্ত হৈছে।