ধুবুৰীৰ গৌৰীপুৰত ট্ৰেভেলাৰ দুৰ্ঘটনাগ্ৰস্ত,৫ জন নিহত:আহত ১৩

ধুবুৰী :আজি পুৱতি নিশা প্ৰায় ২.৩০ বজাত ধুবুৰীৰ গৌৰীপুৰত এক ভয়ংকৰ পথ দুৰ্ঘটনাত মহিলা সহ ৫ জনৰ মৃত্যু আৰু ১৩ জন ব্যক্তি আহত হোৱা ঘটনাই সমগ্ৰ অঞ্চল জুৰি শোকৰ ছাঁ পেলাইছে। কইনা পক্ষৰ বিবাহ যাত্রী কঢ়িয়াই অনা AS17 C 0835 নম্বৰৰ এটা ট্ৰেভেলাৰ গাড়ীয়ে নিশাৰ অন্ধকাৰত আগৰ পৰা বাটৰ কাষত ৰৈ থকা AS 09 AC 1650 নম্বৰৰ ট্ৰাকত পিছফালৰ পৰা খুন্দা মৰাত সংঘটিত হয় এক ভয়ংকৰ দুৰ্ঘটনা ।বঙাইগাঁওৰ পানবাৰী অঞ্চলৰ দৰাৰ ঘৰৰ পৰা বৌভাত খাই গোলোকগঞ্জৰ বিদ্যাৰদাৰডাৱৰী লৈ উভতি অহাৰ সময়তেই গৌৰীপুৰৰ বালাজনৰ ৩১ নং ৰাষ্ট্ৰই ঘাই পথত সংঘটিত হয় এই দুৰ্ঘটনা।লগে লগে স্থানীয় ৰাইজ ওলাই আহি আৰক্ষীক খবৰ দিয়াৰ লগতে ৰাইজে নিজেই উদ্ধাৰ অভিযান আৰম্ভ কৰে।অবশেষত থিতাতেই তিনি জনৰ মৃত দেহ উদ্ধাৰ হোৱাৰ লগতে আন ১৮ জনক সংকট জনক অৱস্থাত ১০৮ আৰু আন বাহন যোগে ধুবুৰীৰ অসামৰিক চিকিৎসালয়লৈ লৈ যায় যদিও লৈ যোৱাৰ সময়তেই আন দুজনো মৃত্যুক সাৱটি লয়।বৰ্তমান ৬ জন চিকিৎসাধীন হৈ আছে যদিও মুঠ ১৩ জন ব্যক্তি এই ঘটনাত আহত হোৱা বুলি জানিব পৰা গৈছে। ইপিনে মৃত্যু হোৱা সম্ভূ ৰাৱাত আৰু কাঞ্চন বীণ দুয়ো পতি পত্নী। মৃত্যুৰ সময়ত এজন ১২ বছৰীয়া বালক আৰু এজন ৮ বছৰীয়া কন্যা শিশু এৰি থৈ যায় ইয়াৰ উপৰিও মৃতসুবাস অধিকাৰী,গাড়ীৰ খলাচী মধু শুধন ৰায় ৰ ঘৰ বিদ্যাৰ ডাৱৰীত আৰু উৎপল বৰ্মনৰ ঘৰ দীঘলতাড়িত বুলি জানিব পৰা গৈছে।মুঠ পাঁচ জন ব্যক্তি এই দুৰ্ঘটনাত নিহত হোৱা বালি জানিব পৰা গৈছে। সম্প্ৰতি এই ঘতনাই সামগ্ৰী জিলাখনতেই এক শোকৰ ছাঁ পেলাইছে।