পাচ চেপ্তেম্বৰৰ শোকাবহ ভটভটী দুৰ্ঘটনাত নিহতৰ সমুহীয়া শ্ৰাদ্ধ প্ৰয়াত অংকিতা বৰুৱাৰ চোতালত

উত্তৰ গুৱাহাটী : অভিশপ্ত পাচ চেপ্তেম্বৰৰ কথা সকলোৰে মনত আছে ।উত্তৰ গুৱাহাটী অশ্বক্লান্ত দেৱালয়ৰ সমীপৰ জাইকাৰ দলঙৰ শিহৰণকাৰী ভটভটী দুৰ্ঘটনাৰ এটা বছৰ ওকলিল ।নাওঁ দুৰ্ঘটনাত তিনিজনৰ মৃত্যু আৰু আন কেবাজনো নিখোজ হৈ আছিল। শিহৰণকাৰী দুৰ্ঘটনাৰ পৰা আজিও স্বাভাবিক হ’ব পৰা নাই তেখেত সকলৰ পৰিয়াল । ২০১৮ৰ পাঁচ চেপ্তেম্বৰৰ দিনা দিনৰ বাৰ বজাত গুৱাহাটীৰ পৰা প্ৰায় ৩৭জন যাত্ৰী কঢ়িয়াই উত্তৰ গুৱাহাটী অভিমুখী ভটভটীখন উমানন্দৰ সমীপত ইঞ্জিন বিকলহৈ ভাহি গৈছিল। প্ৰায় এক কি মি লুইতৰ বুকুত ভাহি থকা নাওখন পাৰত লগবলৈ যাত্ৰীয়ে নাৱৰীয়াক কাতৰ অনুৰোধত কৰিছিল । যাত্ৰীৰ অনুৰোধ নুশুনাৰ পৰিণতিত সংঘটিত হ’ল শিহৰণকাৰী দুৰ্ঘটনা । আজি মৃতকৰ পুণ্য বছৰেকীয়া তিথি উপলক্ষে অংকিতা বৰুৱাৰ পিতৃয়ে নিজ গৃহত বছৰেকীয়া তিথি পালন কৰি উচুপি উঠিল । পাঁচ চেপ্তেম্বৰৰ গুৱাহাটী নৌকা দুৰ্ঘটনাত কটন বিশ্ব বিদ্যালয়ৰ ছাত্ৰী অংকিতা বৰুৱা আৰু ডিম্পী বড়াৰ সলিল সমাধি হৈছিল । আজি বছৰেকীয়া তিথি উপলক্ষে অংকিতাৰ পিতৃ অৰূপ বৰুৱাই আয়োজনক কৰিলে কন্যাৰ বছৰেকীয়া শ্ৰাদ্ধ । অংকিতাৰ লগতে শ্ৰদ্ধাঞ্জলি নিবেদন কৰা হ’ল ৰাহুল আলি আৰু সহপাঠী ডিম্পী বড়াৰ । তিনি বিদেহী আত্মাৰ লগতে নিখোজ কমল দাসৰ পিতৃৰ উপস্থিতিত স্মৰণ কৰা হ’ল নিখোজ কমল দাসক। অৰূপ দাসৰ পিতৃৰ শ্ৰাদ্ধ ইতিমধ্যে পালন হৈ যোৱাবাবে ভাগবৎ পাঠেৰে সমুহীয়া শ্ৰদ্ধাঞ্জলি জনোৱা হল । শ্ৰদ্ধাঞ্জলি অনুষ্ঠাত ৰাহুল আলিৰ পিতৃ আৰু পত্নী উপস্থিত থাকি মৃতকৰ শ্ৰদ্ধাঞ্জলী জনাই কলে যি কৰুণ ঘটনা হল ,পুণৰাবৃত্তি হব নালাগে । দুৰ্ঘটনাৰ পাছত চৰকাৰে ভটভটী বন্ধ ৰখাত সন্তুষ প্ৰকাশ কৰি কয় বৰ্তমান জাহাজ সেৱা ভাল হৈছে যদিও পুৰণি জাহাজে বহু সময়ত ইঞ্জিন বিকল হৈ যাত্ৰীৰ মনত শংকা নমাই আনে ।গতিকে নতুন জাহাজৰ ক্ষেপ বৃদ্ধি কৰিব লাগে ।
সন্তানৰ শ্ৰাদ্ধ আৰু পিতৃ বুজাব নোৱাৰা শোকাকুল অবস্থা ,ক্ষোভ আতৰা নাই জলপৰিবহণ আৰু মন্ত্ৰী বিধায়কৰ বিৰুদ্ধে । অংকিতাৰ পিতৃয়ে নাপালে ন্যায় ,নহল সুচল যাতায়ত । অংকিতা মৃত্যুৰ ক্ষতিপূৰণ নালাগে পিতৃক । ক্ষতি পুৰণৰ পৰিবৰ্তে কটন ইউনিভাৰচিটিত অংকিতাৰ নামত সোঁৱৰণি বটাঁৰ দাবী কৰিলে কটন বিশ্ব বিদ্যালয়ৰ উপাচাৰ্যক ।অবশ্যে উপাচাৰ্যই অৰুপ বৰুৱাৰ অনুৰোধ বিবেচনা কৰাত সুখী বুলি কলে অংকিতাৰ পিতৃয়ে । মেধাবী ছাত্ৰী অংকিতাৰ বাবে কটন বিশ্ব বিদ্যালয়ে আগবঢ়াব খোজা একলাখ টকা বছৰেকীয়া শিতানৰ বঁটা ঘোষণা ঘোষণা কৰিলে সুখী হ’ব বুলি কলে পিতৃয়ে। এতিয়া যোৱাজন ঘূৰি নাহে ,কিন্তু একমাত্ৰ সন্তান অংকিতা বৰুৱাৰ স্মৃতি যুগমীয়া কৰাৰ বাবে খুলিব এখন সংগীতৰ স্কুল ।
পাচ চেপ্তেম্বৰৰ শোকাবহ নাওঁ দুৰ্ঘটনাত নিখোজ কমল দাসৰ পিতৃৰ সমূহীয়া শ্ৰদ্ধত উপস্থিত হৈ চকুলোৰে সেমেকিল । এতিয়াও কমলৰ নিহত অথবা মৃত্যুৰ খবৰ নোপোৱাত চৰকাৰ প্ৰশাসনৰ বিৰুদ্ধে ক্ষোভ উজাৰিলে । চৰকাৰী পক্ষৰ খবৰ ল’বলৈ আহৰি নাই , যাৰ বাবে কমলৰ পিতৃৰ এতিয়া পুত্ৰৰ স্মৃতিত খুলিব সংগীতৰ স্কুল । কাৰণ নিখোজ কমল আছিল এজন ভাল আৰ্টিষ্ট আৰু কৰিঅগ্ৰাফাৰ। সংগীতৰ স্কুলৰ মাজত কমলৰ পিতৃয়ে বেদনা পাতল কৰাৰ চেষ্টা কৰিব।