সেনা-আৰক্ষীৰ বাবে সহায়ক ভূত জলকীয়া, জলকীয়া গ্ৰেণেডৰে অপৰাধীক চিনাক্তকৰণ ৰ ব্যবস্থা ডি আৰ এলৰ

নিৰাপত্তাৰক্ষীৰ ওপৰত শিল -পাথৰৰে আক্ৰমণ কৰিবলৈকো পিছ নোহোকা বিক্ষোভকাৰীক সত্ৰ ভংগ দিয়াবৰ বাবে এইবাৰ আৰক্ষীয়ে কান্দোৱা গেছৰ সলনি ব্যৱহাৰ কৰিব ভূত জলকীয়া |ভূত জলকীয়াৰে প্ৰস্তুত কৰা গ্ৰেণেড ব্যৱহাৰ কৰিব আৰক্ষীয়ে |কাৰণ কান্দোৱা গেছতকৈ অধিক শক্তিশালী হ’ব ভূত জলকীয়াৰ গ্ৰেণেড |আজি এই সন্দৰ্ভত ডি আৰ এলৰ বিজ্ঞানী ড৹ পি চটোপাধ্যায়ে সদৰী কৰে যে এইবিধ জলকীয়া গ্ৰেণেড ত এক বিশেষ ৰং ব্যৱহাৰ কৰা হ’ব|এই ৰং দুস্কৃতিকাৰীৰ দেহত লগা পাছত সেই ৰং আঁতৰি নোযোৱাৰ ফলত সহজেই সেই ৰঙৰ দ্বাৰাই অভিযুক্তক চিনাক্ত কৰিব পাৰিব |ইতিমধ্যে দেশৰ প্ৰতিৰক্ষা গৱেষণাগাৰত ইয়াৰ নতুন পৰীক্ষা চলি আছে |অতি সোনকালে ই এই পদ্ধতি ব্যৱহাৰ হ’ব দেশৰ প্ৰতিৰক্ষাৰ বাবে।