8th Pay Commission:
কেন্দ্ৰীয় চৰকাৰৰ কোটি কোটি কৰ্মচাৰী আৰু পেঞ্চনাৰৰ বাবে বেয়া খবৰ ৷ কেন্দ্ৰই হয়তো হয়তো গঠন নকৰিব পাৰে অষ্টম দৰমহা আয়োগ ৷ ফলত স্বতঃস্ফূৰ্ত ভাৱে সম্পূৰ্ণৰূপে বন্ধ হোৱাৰ সম্ভাৱনা আছে পে পেনেল ব্যৱস্থা ৷
অৱশ্যে কেন্দ্ৰই কৰ্মচাৰীসকলৰ দৰমহা আৰু পেঞ্চনৰ বাবে নতুন ব্যৱস্থাৰ কথা চিন্তা কৰিছে। আগন্তুক সময়ত নতুন সূত্ৰৰ সৈতে কৰ্মচাৰীৰ দৰমহা বৃদ্ধি পাব। কেন্দ্ৰীয় চৰকাৰে অষ্টম দৰমহা আয়োগ গঠন নকৰাৰ ইংগিতৰ খবৰে কেন্দ্ৰীয় চৰকাৰৰ কৰ্মচাৰী আৰু পেঞ্চনাৰসকলৰ মাজত উদ্বেগ বৃদ্ধি কৰিছে।
উল্লেখ্য যে ,কেন্দ্ৰীয় চৰকাৰে ২০১৬ চনৰ জানুৱাৰী মাহৰ পৰা ৭ম দৰমহা আয়োগৰ পৰামৰ্শ কাৰ্যকৰী কৰিছিল। এই দৰমহা আয়োগৰ কাৰ্যকাল ১০ বছৰ আৰু ২০২৫ চনৰ ৩১ ডিচেম্বৰত ৭ম দৰমহা আয়োগৰ কাৰ্যকাল অন্ত পৰিব। ৭ম দৰমহা আয়োগৰ পূৰ্বে ৪ৰ্থ, ৫ম আৰু ৬ষ্ঠ দৰমহা আয়োগৰো কাৰ্যকাল আছিল ১০ বছৰকৈ। ইয়াৰ বাবেই কৰ্মচাৰী আৰু তেওঁলোকৰ সংঘই অষ্টম দৰমহা আয়োগক অহৰহ দাবী জনাই আহিছে। কিন্তু চৰকাৰে কৈছে যে পূৰ্বে বিশ্বাস কৰা ধৰণে পে পেনেলৰ কাৰ্যকাল নিৰ্দিষ্ট নহয়। আৰু এতিয়া নতুন ব্যৱস্থা ৰূপায়ণৰ কথাই কৰ্মচাৰীসকলৰ মাজত অস্থিৰতাৰ সৃষ্টি কৰিছে।
# কিয় গঠন নহ’ব ৮ম দৰমহা আয়োগ?
প্ৰাপ্ত খবৰ অনুসৰি, পুৰণি পে কমিছনৰ ঠাইত নতুন পদ্ধতিৰে চৰকাৰে চিন্তা-চৰ্চা কৰিছে, য’ত কৰ্মচাৰী আৰু পেঞ্চনাৰসকলৰ দৰমহা আৰু পেঞ্চনৰ পুনৰ সংশোধন কৰা হ’ব। ইয়াৰ পূৰ্বেও খবৰ ওলাইছিল যে কেন্দ্ৰীয় চৰকাৰে পে কমিছনৰ ঠাইত নতুন ব্যৱস্থা অনাৰ কথা চিন্তা কৰিছে, যাতে সময়ে সময়ে দৰমহা আৰু পেঞ্চনৰ পৰিৱৰ্তন হ’ব পাৰে।
সংসদত বিত্ত ৰাজ্য মন্ত্ৰী পংকজ চৌধুৰীয়ে স্পষ্টকৈ কয় যে বৰ্তমান সময়ত অষ্টম দৰমহা আয়োগ গঠনৰ কোনো প্ৰস্তাৱ নাই, আৰু ইয়াৰ বাবে সময়সীমা নিৰ্ধাৰণ কৰাটো সম্ভৱ নহয়।
#কেন্দ্রীয় কর্মচাৰীসকলে এতিয়া কি কৰিব লাগিব?
কেন্দ্ৰীয় চৰকাৰে পৰৱৰ্তী দৰমহা আয়োগ গঠন নকৰাৰ কথা স্পষ্ট কৰি দিয়াৰ পিছৰে পৰা কেন্দ্ৰীয় কৰ্মচাৰী আৰু তেওঁলোকৰ সংগঠনৰ মাজত ক্ষোভ আৰু অস্থিৰতাৰ সৃষ্টি হৈছে। যোৱা মাহত কৰ্মচাৰী সকলৰ যৌথ মঞ্চ’এন চিএছএছ- এ ঘোষণা কৰিছিল যে যদিহে তেওঁলোকৰ দাবী পূৰণ নহয় তেন্তে অহা বছৰৰ পৰা সমগ্ৰ দেশতে এক বৃহৎ আন্দোলন আৰম্ভ কৰিব। কিন্তু, ইয়াৰ পিছত কি হ’ব সেয়া কোৱা টান। কাৰণ চৰকাৰে নিজৰ পর্যায়ত স্পষ্টকৈ কৈছে যে অষ্টম দৰমহা আয়োগ গঠন নকৰে৷
#কেবিনেট সচিবৰ সন্মুখত দাবী উত্থাপন:
এন চি এছএছ (নেচনেল কাউন্সিল-ষ্টাফ চাইড)য়েও চৰকাৰক শীঘ্ৰে অষ্টম দৰমহা আয়োগ গঠন কৰিবলৈ আহ্বান জনাইছে। এন চি এছএছ ৰ কৰ্মচাৰী সংঘই যোৱা ৩ ডিচেম্বৰত কেন্দ্ৰীয় কেবিনেট সচিবলৈ এখন পত্ৰ লিখি এই বিষয়ত অতি শীঘ্ৰে ব্যৱস্থা গ্ৰহণৰ দাবী জনায়। পত্ৰখনত কোৱা হৈছে যে ৭ম দৰমহা আয়োগৰ পৰামৰ্শ কাৰ্যকৰী হোৱাৰ ৯ বছৰ হ’ল, এতিয়া ২০২৬ চনৰ পৰা দৰমহা আৰু পেঞ্চনৰ সংশোধনৰ প্ৰয়োজন হৈছে।