ডিগবৈত তিনি লকডাউন উলংঘাকাৰীৰ বিৰুদ্ধে গোচৰ ৰুজু

মহামাৰী কৰ’না ভাইৰাছ সংক্ৰমণ প্ৰতিৰোধৰ বাবে সমগ্ৰ দেশত  ২৫ মাৰ্চৰ পৰা বলবৎ হোৱা লকডাউন উলংঘাকাৰীৰ বিৰুদ্ধে কঠোৰ হৈছে অসম আৰক্ষী। তৈল নগৰী ডিগবৈত লকডাউনৰ ব্যাপক প্ৰভাৱৰ মাজতে কিছু সংখ্যক যুৱকে লকডাউন আইন উলংঘন কৰি ডিগবৈ ৰাজপথত টিঘিল ঘিলাই ফুৰা  সকলৰ বিৰুদ্ধে গোচৰ ৰুজু কৰিছে আৰক্ষীয়ে। ডিগবৈ আৰক্ষী থানাৰ পৰিদৰ্শক নিকুঞ্জ বৰ্মনৰ নেতৃত্বত সোমবাৰে লকডাউনৰ অমান্যকাৰী তিনি যুৱকক আটক কৰি ৮৪/২০২০ আৰু ৮৫/২০২০ নম্বৰত পৃথক পৃথককৈ ভাৰতীয় দণ্ড বিধি আইনৰ ১৮৮/২৭০/২৯০ ধাৰাত গোচৰ পঞ্জীয়ন কৰে।আৰক্ষীয়ে গোচৰ ৰুজু কৰা যুৱককেইজন ক্ৰমে ডিগবৈ দুই নম্বৰ গোলাইৰ ভাস্কৰজ্যোতি বৰা(২৬), দুলিয়াজান নাওশলীয়া গাওঁৰ মানসজ্যোতি গগৈ(২৮) আৰু নিপুল কোঁৱৰ(২৮) বুলি আৰক্ষীয়ে সদৰি কৰিছে |  তিনিওকে  ব্যক্তিগত জামিনত  মুকলি কৰি দিছে।