বলিউডত  ক’ৰনা আক্ৰান্ত তৃতীয় গৰাকী অভিনেত্ৰী জয়া ম’ৰানী

বলিউডৰ ক’ৰনাত আক্ৰান্ত প্ৰথমগৰাকী  আছিল সঙ্গীত শিল্পী কনিকা কপুৰ । ইতিমধ্যে শিল্পী গৰাকীয়ে হাস্পতালৰ পৰা ঘৰলৈ যোৱাৰ অনুমতি লাভ কৰিছিল। সোমবাৰে বলিউডত ক’ৰনাত আক্ৰান্ত দ্বিতীয় গৰাকী ৰোগী  ৰূপে চিনাক্ত হ’ল প্ৰযোজক কৰিম ম’ৰানীৰ কন্যা শ্বাজা ম’ৰানী । কিন্তু এইবাৰ তৃতীয় গৰাকী ৰোগী হিচাপে এই ভাইৰাছৰ সংক্ৰমণ ধৰা পৰে শ্বাজাৰ ভগ্নী অভিনেত্ৰী জয়া ম’ৰানীৰ  দেহত । শ্বাজাই তলাবন্ধৰ সময়ত অষ্ট্ৰেলিয়াৰ পৰা ভাৰতলৈ উভতি আহিছিল। ১৪দিন কোৱাৰেন্টাইনত থকাৰ পাছত শ্বাজাৰ শৰীৰত ক’ৰনাৰ সংক্ৰমণ ধৰা পৰে । একেটা পৰিয়ালৰ জয়াৰো স্বাস্থ্য পৰীক্ষা কৰাত তেওঁৰ শৰীৰতো ক’ভিড-১৯ধৰা পৰে । বৰ্তমান মুম্বাইৰ নানাৱতী হাস্পতালত দুয়ো ভগ্নী চিকিৎসাধীন হৈ আছে ।