নগাঁৱত তলাবন্ধ উলংঘাকাৰীক গ্ৰেপ্তাৰ  

দেশজুৰি হোৱা তলাবন্ধৰ সময়ছোৱাত নগাঁও জিলাৰ বিভিন্ন আৰক্ষী থানাত ২১টা গোচৰ ৰজু হোৱাৰ লগতে ১৯ জন লোকক গ্ৰেপ্তাৰ কৰিছে আৰক্ষীয়ে ৷ আৰক্ষীৰ এক বিশেষ সূত্ৰই প্ৰকাশ কৰা অনুসৰি ২৬ মাৰ্চৰ পৰা বুধবাৰে বিয়লিলৈকে জিলাখনৰ বিভিন্ন স্থানত ৩১৫ খন বাহন জব্দ কৰিছে ৷ ইয়াৰে এখন ট্ৰাক, ৩৬ খন চাৰিচকীয়া বাহন, ৫ খন তিনিচকীয়া বাহন আৰু ২৭৩ খন দুচকীয়া মটৰচাইকেল আছে ৷ আনহাতে বন্ধৰ সময়ছোৱাত বিভিন্ন গাড়ী চালকৰ পৰা ১৩ হাজাৰ টকাৰ জৰিমনা বিহা হৈছে ৷