৭৬ দিনৰ পিছত তলাবন্ধ  প্রত্যহাৰ উহানত 

কৰ’নামুক্ত হ’ল উহান । কৰ’নাৰ সুদীৰ্ঘ ১১ সপ্তাহ ধৰি তলাবন্ধ হৈ থকাৰ পাছত অৱশেষত স্বাভাৱিক জীৱনৰ ছন্দ ঘূৰাই পালে চীনৰ ক’ৰনা আক্ৰান্তৰ চহৰ উহানে । ৭৬  দিন ধৰি জনশূন্য হৈ থকা উহানৰ ৰাজপথত এতিয়া লাহে লাহে স্বাভাৱিক জীৱন প্ৰত্যক্ষ হ’বলৈ ধৰিছে । ক’ৰনা ভাইৰাছৰ কবলৰ পৰা মুক্ত হোৱাৰ পাছত উহানত  প্ৰথম ৰেল চলাচল আৰম্ভ হয় । ৭৬ দিন ধৰি তলাবন্ধ হৈ থকাৰ পাছত উহানলৈ স্বাভাৱিক অৱস্থা ঘূৰি অহাৰ পিছত  প্ৰশাসনে কিছু শিথিলতা অৱলম্বন কৰিছে । উহানৰ হুৱেইত ইতিমধ্যে ব্যৱসায়-বাণিজ্য পুনৰ আৰম্ভ হৈছে । হুৱেইৰ ১১লাখ নাগৰিকে ৰাস্তালৈ ওলোৱাৰ অনুমতিও লাভ কৰিছে । হুৱেই প্ৰদেশত এতিয়া এজনো ক’ৰনাত আক্ৰান্ত লোক নাই।চীনৰ ৰাষ্ট্ৰপতি জি জিংপিঙে ক’ৰনাৰ সৈতে যুজঁত জয়ী হোৱাৰ বাবে উহানক ‘বীৰত্বৰ চহৰ’ বুলিও অভিহিত কৰিছে।