অসমত কৰ’নাত আক্ৰান্তৰ সংখ্যা ৩৪ লৈ বৃদ্ধি

অসমত কৰ’না ভাইৰাছত আক্ৰান্তৰ সংখ্যা ৩৪ জনলৈ বৃদ্ধি পাইছে ৷ আজি নতুনকৈ কৰ’নাৰ অৱস্থিতি ধৰা পৰা লোক দুজন মৰিগাঁৱৰ। আনহাতে এই লোককেইজনৰো নিজামুদ্দিন মাৰ্কাজৰ লগত প্ৰত্যেক্ষ সম্পৰ্ক আছে বুলি টুইটাৰ যোগে সদৰি কৰে স্বাস্থ্যমন্ত্ৰী ড° হিমন্ত বিশ্ব শৰ্মাই ৷ ইপিনে সম্প্ৰতি অসমত কৰ’না ভাইৰাছত আক্ৰান্ত হৈ সুস্থ হৈ উঠিছে পাঁচজন লোক ৷ ইয়াৰ বিপৰীতে মৃত্যু হৈছে এজনৰ ৷ কৰ’নাত আক্ৰান্ত হৈ সুস্থ হোৱা পাঁচজন লোকক ইতিমধ্যে ঘৰলৈ যাবলৈ অনুমতি দিয়া হৈছে বুলি জানিবলৈ দিয়ে স্বাস্থ্যমন্ত্ৰী ড° শৰ্মাই ৷