সময় যেন হঠাৎ থমকি ৰৈছে । অতি ব্যস্ততম লোকজনেও এতিয়া ঘৰতে বহি অনিদিৰ্ষ্ট কাললৈ অৱসৰৰ সময় কটাইছে । এনে পৰিস্থিতিত আগতীয়াকৈ ঠিক কৰি ৰখা বিবাহ উৎসৱো বহুতেই সাময়িক ভাৱে স্থগিত ৰাখিবলৈ বাধ্য হৈছে । ইয়াৰ কাৰণো আছে ।প্ৰথমতে ,আৰ্থিক আঘাত । দ্বিতীয়তে, সামাজিক দূৰত্ব বৰ্তাই ৰখাৰ যি ধাৰণা মানুহৰ মনৰ মাজত সোমাই পৰিছে, তাৰপৰা ওলাই অহাত সকলোকে কিছু সময়ৰ প্ৰয়োজন হ’ব বুলি ধাৰণা কৰিছে মনোবিজ্ঞানীসকলে । ইপিনে, বলিউদৰ তাৰকা সকলো এতিয়া গৃহবন্দী হৈ আছে । তেওঁলোকৰ একাংশৰ বিবাহো পণ্ড কৰিলে কৰ’না ভাইৰাছে । চিত্ৰগ্ৰহণত ব্যস্ত থকাৰ বাবে অধিকাংশ অভিনেতা-অভিনেত্ৰীয়েই ব্যক্তিগত কাম কাজৰ বাবে বিশেষ আহৰি নাপায় । অথচ চিত্ৰগ্ৰহণ বন্ধ যদিও বিবাহপাশত আবদ্ধ হ’ব পৰা নাই একাংশ তাৰকা । এপ্ৰিলৰ অন্তিমভাগত অভিনেতা আলী ফজল আৰু অভিনেত্ৰী ৰিচা চাদ্দা্ই বিবাহপাশত আবদ্ধ হোৱা কথা আছিল ।ইয়াৰ বাবে তেওঁলোকে দীৰ্ঘদিনীয়া প্রস্তুতিও আৰম্ভ কৰিছিল । কিন্তু কৰ’নাই সকলোবোৰ খেলিমেলি লগাই দিলে । অৱশ্যে পৰিস্থিতি স্বাভাৱিক হ’লে চলিত বছৰৰ শেষৰ ফালে বিবাহ সম্পন্ন কৰিব তেওঁলোকে ।
প্ৰেয়সী নাটাছা দালালৰ স’তে মে’ত থাইলেণ্ডৰ পঞ্চতাৰকা হোটেলত অভিনেতা বৰুণ ধৱনে বিবাহ সম্পন্ন কৰাৰ কথা আছিল । বিবাহৰ স্থানক লৈও ৰোমাঞ্চিত হৈ আছিল ধৱন পৰিয়াল কিন্ত কৰ’না ভাইৰাছৰ বাবেই তেওঁলোকৰ সকলো পণ্ড হ’ল ।থাইলেণ্ডত বিবাহৰ পৰিকল্পনাই তেওঁলোকে বাদ দিলে ।স্বপ্নৰ স্থান এৰি ৰাজস্থানৰ যোধপুৰত বিবাহ সম্পন্ন কৰিব পাৰে বৰুণ-নাটাছাই । বলিউদৰ বৰ্তমানৰ তাৰকা যুটী ৰণবীৰ কপুৰ আৰু আলিয়া ভাটৰ বহুদিনৰে পৰা প্ৰেমৰ চৰ্চা চলি আহিছে । এই বছৰতে তেওঁলোকে বিবাহপাশত আবদ্ধ হ’ব বুলি চর্চা চলিছিল যদিও তাৰকাদ্বয়ৰ তৰফৰ পৰা এই বিষয়ত কোনো তথ্য সদৰী কৰা নাছিল। কিন্ত এতিয়া পৰিস্থিতি, বিবাহ সোনকালে সম্ভৱ হ’ব নে নহয় সেয়া সময়েহে ক’ব পাৰিব ।
অৱশ্যে ৰণবীৰ-আলিয়াই সম্প্ৰতি একেলগেই গৃহবন্দী হৈ আছে ।আৰবাজ খানৰ স’তে বিচ্ছেদৰ পাছৰে পৰাই মালাইকা অৰোৰাৰ সম্পৰ্ক স্থাপন হৈছিল অৰ্জুন কপুৰৰ স’তে ।এই বছৰতে বিবাহপাশত আবদ্ধ হ’ব বিচাৰিছিল তেওঁলোকে ।কিন্তু তলাবন্ধৰ বাবেই সেয়া সম্ভৱ হৈ নুঠিল । ইপিনে এপ্ৰিলতে প্ৰেমিক নিখিল শৰ্মাৰ স’তে সংসাৰ আৰম্ভ কৰাৰ কথা আছিল টেলিভিছন অভিনেত্ৰী টিনা ফিলিপৰ । সেইদৰে পৰিকল্পনাও কৰা হৈছিল । কিন্ত এতিয়া সকলোবোৰ বন্ধ । চাৰি এপ্ৰিলত ইউৰোপত তেওঁলোকৰ বিয়া হোৱাৰ কথা আছিল । কিন্তু সেই সময়তে প্ৰায় সমগ্ৰ ইউৰোপতে কৰ’নাৰ ধ্বংসলীলা অব্যাহত আছিল ।সম্প্ৰতি পৰিস্থিতি শান্ত হোৱাৰ বাবেই তেওঁলোকে অপেক্ষা কৰিছে ।