দেশত ক’ভিড -১৯ আক্ৰান্তৰ সংখ্যা ৪০ হেজাৰ অতিক্ৰম 

বিশ্বজুৰি মানৱ সভ্যতাক কম্পিত কৰি তোলা ক’ভিড -১৯ ভাইৰাছত আক্ৰান্তৰ সংখ্যা ৪০ হেজাৰ অতিক্ৰম কৰিলে| শনিবাৰ পৰ্যন্ত ভাৰতত কৰ’নাত আক্ৰান্তৰ সংখ্যা আছিল ৩৯ হেজাৰ ৩১১ জন আৰু ইয়াৰ বিপৰীতে সমগ্ৰ বিশ্বত কৰ’নাত আক্ৰান্তৰ সংখ্যা আছিল ৩৪ লাখ ৪২ হেজাৰ ৬৪১ জন | উল্লেখ্য যে ভাৰতত আক্ৰান্ত এই ৰোগীসকলৰ মাজত ইতিমধ্যে ১০ হেজাৰ ৭৩১ জন সুস্থ হৈ উঠাৰ বিপৰীতে ১৩১৯ জন মৃত্যু হৈছে | ইফালে,  কৰ’না প্ৰাদুৰ্ভাৱ প্ৰতিহত কৰিবলৈ দেশত তলাবন্ধ অব্যাহত থকাৰ সময়ত দ্ৰুতহাৰত সংক্ৰমণ বৃদ্ধি পাই আহিছে | যাৰ ফলত দেওবাৰে সংক্ৰমণৰ সংখ্যা ৪০ হেজাৰলৈ অতিক্ৰম কৰিলে |