ক’ভিড ১৯ ৰ সংক্ৰমিত ৰোগীৰ মৃত্যুৰ স’তে জড়িত হৈ আছে খাদ্য৷দুৰ্বল খাদ্য ক’ভিড ১৯ ৰ মৃত্যুৰ এক বৃহৎ কাৰণ বুলি মত প্ৰকাশ কৰিছে ভাৰতীয়মূলৰ বিট্টেইনস্থ আগশাৰীৰ হৃদৰোগ বিশেষজ্ঞ ডা° অসীম মালহোত্ৰাই ৷ তেওঁ কয় যে ভাৰতীয়সকলে মাৰাত্মক ভাইৰাছৰ বিৰুদ্ধে প্ৰতিৰোধ গঢ়ি তুলিবলৈ জৰুৰীকালীনভাৱে অতিকৈ প্ৰচেছড”খাদ্য গ্ৰহণৰ অভ্যাস পৰিহাৰ কৰিব লাগে। ব্ৰিটেইনৰ ৰাষ্ট্ৰীয় স্বাস্থ্য সেৱা(এন এইছ এছ)ৰ বিশিষ্ট চিকিৎসক তথা বিশেষজ্ঞ মালহোত্ৰাই কয় যে অতিৰিক্ত ওজন হ্ৰাস কৰাটো সমানেই জৰুৰী । মেদবহুলতা আৰু অতিৰিক্ত ওজন হৈছে কৰ’না ভাইৰাছৰ মৃত্যুৰ অন্যতম কাৰণ। ডা° মালহোত্ৰাই কয় যে”ভাৰতৰ ক্ষেত্ৰত বিশেষ বিপদ আছে । কিয়নো ভাৰতত জীৱনশৈলীৰ স’তে সম্পৰ্কিত বহু ৰোগীৰ সংখ্যা অতি উচ্চহাৰ ৷”
জীৱনশৈলীৰ সালসলনিৰ জৰিয়তে কৰ’না প্ৰতিৰোধৰ বাবে সচেতনতা সৃষ্টিৰ অভিযানত ব্ৰতী চিকিৎসকজনে কয়”বিশেষকৈ দ্বিতীয় পৰ্যায়ৰ ডায়বেটিছ,উচ্চ ৰক্ত চাপ আৰু হৃদ ৰোগ হৈছে ক’ভিড ১৯ ৰ মৃত্যুৰ তিনিটা কাৰণ। শৰীৰত থকা অতিৰিক্ত চৰ্বিৰ কাৰণে এনে ৰোগ মূলতঃহয় ।মনকৰিবলগীয়া যে আমেৰিকা আৰু ব্ৰিটেইনৰ দৰে দেশত ক’ভিড১৯ৰ ফলত বিশ্বৰ ভিতৰতে বৃহৎসংখ্যক লোকৰ মৃত্যু হৈছে। ইয়াৰ স’তে অস্বাস্থ্যকৰ জীৱনশৈলীৰ সম্পৰ্ক আছে ৷ ডা° মালহোত্ৰাই কয়” আমেৰিকা আৰু ব্ৰিটেইনৰ ৬০ শতাংশ প্ৰাপ্ত বয়স্ক লোক মেদবহুলতা অথবা অতিৰিক্ত ওজনধাৰী। অধিকাংশ পশ্চিমীয়া দেশৰ জনসাধাৰণৰ স্বাস্থ্যৰ অৱস্থা ভয়ংকৰ হৈ উঠিছে ৷ইফালে নেছা”নামৰ বিজ্ঞান জাৰ্ণেলত প্ৰকাশিত প্ৰতিবেদনত কোৱা হৈছে যে ডায়বেটিছ,উচ্চ ৰক্ত চাপ আদিৰ দৰে ৰোগত ভোগাসকলৰ সুস্বাস্থ্যবান লোক এজনতকৈ ক’ভিড ১৯ ত মৃত্যুৰ আশংকা ১০ গুণ অধিক ৷ডা° মালহোত্ৰাই লগতে কয়”দ্বিতীয় পৰ্যায়ৰ ডায়েবেটিছৰ বাবে ব্যৱহৃত দৰব আদিয়ে মৃত্যুৰ আশংকা ৰোধ তথা আয়ুস বৃদ্ধিৰ ক্ষেত্ৰত অতি সামান্যভাবেহে ফলদায়ক। অধিকাংশ লোকৰ এই বিষয়ে জ্ঞাত নহয়। এনে দৰবৰ পাৰ্শ্বক্ৰিয়া আছে ৷ইয়াৰ অৰ্থ এইটো নহয় যে দৰব খোৱাতো বন্ধ কৰিব লাগে। কিন্তু জীৱনশৈলীৰ পৰিৱৰ্তনে স্বাস্থ্যৰ ক্ষেত্ৰত অধিক সুপ্ৰভাৱ পেলাব পাৰে।
আনহাতে ডা° মালহোত্ৰাই কয় প্ৰচেছড খাদ্য গ্ৰহণ কৰটো বন্ধ কৰিব লাগে। কিয়নো এনে খাদ্যত অতিৰিক্ত তেল,চেনি আদি থাকে ৷গতিকে ঘৰুৱাভাৱে প্ৰস্তুত কৰা খাদ্য খোৱাটোৱে উত্তম ।ভাৰতীয় খাদ্য তালিকাত আমি অতি উচ্চ পৰিমাণৰ পৰিশোধিত কাৰ্ব’হাইড্ৰেড থকা খাদ্য গ্ৰহণ কৰো। এইবোৰো অনিষ্টকাৰী ।এই ক্ষেত্ৰত তেওঁ আটা,ময়দা আদিৰে তৈয়াৰী খাদ্য অধিকভাৱে গ্ৰহণ কৰিবলৈ কয় । এই সমূহৰ বিকল্প ৰূপে ফলমূল খাবলৈ কয়। কণী মাছ- মাংস আদি প্ৰচুৰ পৰিমাণে খাব পাৰি ৷শেহতীয়া তথ্য অনুসৰি ব্ৰিটেইনত কৰ’না ভাইৰাছত ফলত অধিক বিপদৰ সন্মুখীন হৈছে কৃষ্ণাংগ,এছীয় আৰু সংখ্যা লঘূ লোকসকল।ইয়াৰ স’তেও পৰম্পৰাগত,সাংস্কৃতিক আৰু জীৱনশৈলীৰ সম্পৰ্ক আছে। দক্ষিণ এছীয় লোকসকলৰ মাজত উচ্চহাৰত ডায়বেটিছ,উচ্চ ৰক্তচাপ,হৃদৰোগ আদিৰ প্ৰাবল্য দেখিবলৈ পোৱা যায় । সেয়েহে ভাৰতীয়সকল খাদ্য তালিকাৰ ক্ষেত্ৰত অধিক সাৱধান হোৱাৰ প্ৰয়োজন আছে বুলি তেওঁ মত ব্যক্ত কৰে।